رفتن به بالا

تعداد اخبار امروز : 0 خبر


    Mahabad Fair
    34(°C)
    Wind 18(mph)
    Pressure 25.30(in)
    Visibility 6.0(mi)
    UV Index 0-Low
    Humidity 25.30(in)
  • دوشنبه ۲۲ آذر ۱۳۹۵ - ۱۴:۳۵
  • کد خبر : 2773
  • مشاهده : 138 بازدید
  • س.ت » سینه‌ما
  • چاپ خبر : کورته‌ فیلمی لانک له‌ ٣ فستیڤاڵی نێونه‌ته‌وه‌یی وه‌رگیرا
دره‌وشانه‌وه‌ی سینه‌مای کوردی له‌ جیهان؛

کورته‌ فیلمی لانک له‌ ٣ فستیڤاڵی نێونه‌ته‌وه‌یی وه‌رگیرا

کورته‌ فیلمی لانک له‌ ده‌رهێنانی زانیار لوتفی و به‌رهه‌مهێنانی حه‌وزه‌ی هونه‌ری کوردستان له‌ سێ فستیڤاڵی گرنگی ئه‌مریکایی و ئۆستوڕاڵیایی وه‌رگیرا.

به‌ ڕاپۆرتی بینەر، فیلمی لانک له‌ به‌شی داوه‌ری شه‌شومین خولی فستیڤاڵی نێونه‌ته‌وه‌یی فیلمی کالرتیپ که‌ هه‌ر ساڵ له‌ ئۆستوراڵیا به‌ڕێوه‌ ده‌چێت وه‌رگیراوه‌ و له‌گه‌ڵ فیلمه‌کانی دیکه‌ کێبه‌رکێ ده‌کات.

فستیڤاڵی کالرتیپ مانگی مه‌ی ٢٠١٧ له‌ ئۆستوراڵیا به‌ مه‌به‌ستی په‌ره‌دان به‌ فه‌رهه‌نگ و هونه‌ری جیهانی له‌ ڕێگه‌ی فیلمه‌وه‌ به‌ڕێوه‌ ده‌چێت.

ئه‌م فیلمه‌ هه‌روه‌ها توانیه‌تی له‌ به‌شی کێبه‌رکێی فستیڤاڵی نێونه‌ته‌وه‌یی فیلمی منداڵانی لۆسان جلێس به‌شداری بکات، ئه‌م فستیڤاڵه‌ به‌ به‌شداری وڵاتانی جۆراجۆر به‌ بابه‌تی سه‌ره‌کی منداڵان و میرمنداڵان به‌ڕێوه‌ ده‌چێت.

ئه‌م فستیڤاڵه‌ له‌ مانگی دیسامبه‌ری ٢٠١٦ له‌ لۆسان جلێس به‌ڕێوه‌ ده‌چێت. هه‌روه‌ها کورته‌ فیلمی لانک له‌ فستیڤاڵی فیلمی فرێست کیدزی ئه‌مریکا که‌ مانگی فێڤرییه‌ی ٢٠١٧ به‌ڕێوه‌ ده‌چێت وه‌رگیراوه‌، ئه‌م فستیڤاڵه‌ له‌ شاری نیومێکزیکۆ ئه‌نجام ده‌بێت.

زانیار لوتفی ماسته‌ری ده‌رهێنه‌ری سینه‌مای هه‌یه‌ و تاکوو ئێسته‌ ٤ کورته‌ فیلمی به‌رهه‌م هێناوه‌ و چه‌ندین خه‌ڵاتی ناوخۆیی ئێران و نێونه‌ته‌وه‌یی له‌ جیهاندا به‌ ده‌ست هێناوه‌.

سەرچاوە: مێهر

اخبار مرتبط

نظرات

یادداشت ویژه

تێبینییەک لەسەر کافه کتێبەکان؛

ئەوەی هەیه و ئەوەی پێویسته ببێ

  دەمێکه دیاردەی دامەزراندنی هێندێک شوێن به ناو "کافه کتێب" له شارەکانی کوردستان پەرەی گرتووه و له زۆریێک له شارەکان شوێن‌گەلێک بەو ناوه دەکرێنەوه. دیاره هەر هەوڵێک که بەسترانەوەیەکی لەگەڵ هونەر و ئەدەب و فەرهەنگەوه هەبێ، کارێکی پیرۆزه و به تایبەت له وڵاتێکدا که دەزگا فەرمییەکان هەوڵێکی ئەوتۆ نادەن بۆ کردنەوەی شوێنی فەرهەنگی یا ئەوەی دەشکرێ دووره له بێلایەنی، هەوڵی خودی کۆمەڵگای فەرهەنگی بۆ پڕکردنەوەی بۆشاییەکان، گرینگییەکی تایبەت و کاریگەری هەیه. بەڵام دیاره هەر پێگه و شوێن و بنکەیەکی فەرهەنگی، دەبێ هێندێک بنەما و ستانداردی هەبێ تا ئەو ئامانجانەی هەیەتی یا بۆی داڕێژراوه دەستەبەر بکا. شوێنێک وەک کافه کتێبیش، ڕاسته که ئامانجی ئابووریی هەیه، بەڵام چون هەڵگری ناوی کتێبه که هێمایەکی فەرهەنگییه، دیاره لەو ئاستەدا هێندێک ئەرکی لەسەر شانه و کۆمەڵێک پێداویستی و بنەمای دەوێ بۆ بەجێهێنانی ئەو ئەرکانه. کاتی چوونەژوور لەو شوێنانه، بەرچاوترین جیاوازی لەگەڵ کافه و شوێنی دانیشتنه ئاساییەکان، بوونی هێندێک کتێبی جۆراوجۆر له سووچێکی ئەو شوێنانەیه. بەڵام ئەوەی سەرنج ڕا دەکێشێ، ئەو بابەتەیه که گۆیا ئەو کاره تەنیا بۆ لابردنی بەرپرسیارەتییه له ئەستۆ و پاساو هێنانەوەیەکه بۆ ئەوەی شوێنەکه لەگەڵ ناوەکەی بگونجێ. ئەوەش له چەند بوارەوه دەکرێ بەرەوڕووی ڕەخنه ببێتەوه که هێندێکی پەیوەسته به هەڵسوکەوتی خاوەنی شوێن و هێندیکیش جۆری کەڵک وەرگرتنی ئەو کەسانەی ڕوو دەکەنه ئەو شوێنانه. سەرەتا ئەوەی که بەپێی چەند شوێنێک که وردبینییان لەسەر کراوه، هەڵبژاردنی کتێب بەبێ هیچ سەرنجێک ئەنجام دەدرێ و تەنیا وەک لابردنی بەرپرسیارێتییه و پێ دەچێ هەرچی به دەستیان گەیشتبێ له هەر بوارێکدا کۆیان کردبێتەوه و بێ هیچ جیاکردنەوه و خشتەبەندییەک دایان نابێ. مەسەلەی تر، ئەوەیه که بەپێی ئەو ماوه کورتەی لەو شوێنانه ڕادەبردرێ، دیاره خوێندنەوەی تێر و تەسەلی کتێبێک دەست نادا و ئەو شوێنانه دەبێ ڕێگەخۆشکەرێک بن بۆ خەڵک که وێڕای ڕابواردن و تاوێک حەسانەوه، لەگەڵ کتێب یا بەرهەمێکی فەرهەنگیش ئاشنا بن و له کافه کتێبه ستانداردەکان وا باوه که کتێبەکان لەگەڵ خوێندنەوه، بۆ فرۆشیش ئامادەن و کەسێک که لەو چەند خولەکەدا و به خوێندنەوەیەکی کورت حەزی له کتێب یا بەرهەمێک دەبێ یا له گفتوگۆیەکدا کتێبێکی پێ پێشنیار دەکرێ، هەر لەوێ دەتوانێ کتێبەکه بکڕێ و بەو جۆره هەم له بواری ئابوورییەوه یارمەتییەکه بۆ کافەکتێب و هەم ئەو کەسەش وێڕای ڕابواردنی کاتی وچاندان، توانیویەتی کارێکی سوودمەندیش ئەنجام بدا. یەکێکی تر له تەوەرەکان، ئەوەیه که ئەو شوێنانه دەبێ وەک له ناوەکەیانەوه دیاره، جێیەک بن بۆ کۆبوونەوەی کۆمەڵگای فەرهەنگی، نەک تەنیا سیمای ئابووری و گشتی به خۆیان بگرن و تەنیا به ڕواڵەت و به ناو لەوانی تر جیا بنەوه. ئەوه لەسەر شانی بەرپرسانی ئەو شوێنانەیه که کەسانی تامەزرۆی فەرهەنگ و ئەدەب کۆ بکەنەوه و کارهاسانییان بۆ بکەن و پێداویستی‌گەلێکیان له بەردەست بنێن که بتوانن لەو شوێنانه کات ڕابوێرن و هاوکات خەریک به نووسین و نەخشاندن و بیرکردنەوه بن. له زۆر شوێن وەک هەرێمی کوردستانیش شوێن‌گەلێک هەن که ئەدیب و نووسەر و شاعیر و بیرمەندەکان کۆ دەبنەوه و له کەشێکی فەرهەنگیدا کاتیان ڕادەبوێرن که دەکرێ لێرەش کافه کتێبەکان ئەو ڕۆله بگێڕن. یەکێکی تر لەو ئەرکانەی له ئەستۆی ئەو شوێنانەیه و بەرچاو ناگیرێ و لانی کەم له شارەکانی کوردستان هێشتا نەدیتراوه که بەجێی بهێنن ...

وعده گاه مسئولین

روز شمار عنوان وعده
css.php