رفتن به بالا

تعداد اخبار امروز : 0 خبر


  • یکشنبه ۷ خرداد ۱۳۹۶
  • الأحد ۲ رمضان ۱۴۳۸
  • 2017 Sunday 28 May
    Mahabad Fair
    24(°C)
    Wind Calm
    Pressure 25.54(in)
    Visibility 6.0(mi)
    UV Index 6-High
    Humidity 25.54(in)
گاه‌شمار تاریخ خورشیدی
خرداد ۱۳۹۶
ش ی د س چ پ ج
« اردیبهشت    
 12345
6789101112
13141516171819
20212223242526
2728293031  
  • پنج شنبه ۱۱ آذر ۱۳۹۵ - ۰۱:۲۵
  • کد خبر : 2479
  • مشاهده : 115 بازدید
  • س.ت » سینه‌ما
  • چاپ خبر : سێهه‌مین فێستیڤاڵی فیلمی کوردی یوتوبۆری به‌ڕێوه‌ چوو
به‌ ئاماده‌ بوونی سینه‌ماکارانی ئێرانی؛

سێهه‌مین فێستیڤاڵی فیلمی کوردی یوتوبۆری به‌ڕێوه‌ چوو

به‌ ئاماده‌ بوونی سینه‌ماکارانی ئێرانی و نمایش دانی فیلمی سینه‌مایی “عاشقه‌کان به‌ سه‌ر پێوه‌ ده‌مرن” سێهه‌مین خولی فستیڤاڵی فیلمی کوردی یوتوبۆری به‌ڕێوه‌ چوو.

به‌ ڕاپۆرتی بینەر، به‌ ئاماده‌ بوونی دڵشاد ئه‌حمه‌د، به‌ڕێوه‌به‌ری فێستیڤاڵی یوتوبۆری و "لاگی بیرۆک"، سه‌رۆکی ئه‌نجومه‌نی هونه‌ره‌ جوانه‌کانی شاری یوتوبۆری سێهه‌مین خولی فێستیڤاڵه‌که‌ ده‌ستی به‌ کار کرد.

به‌ پێی ئه‌م ڕاپۆرته‌ یه‌که‌مین ڕۆژی فێستیڤاڵه‌که‌ به‌ نمایش دانی فیلمی عاشقه‌کان به‌ پێوه‌ ده‌مرن ده‌ستی پێ کرد، ئه‌م فیلمه‌ له‌ لایه‌ن شارام مه‌سڵه‌خی ده‌رهێنه‌ری شاری سنه‌وه‌ به‌رهه‌م هاتووه‌ و باشترین خه‌ڵاتی فێستیڤاڵی فیلمی سلێمانیشی به‌ ده‌ست هێنابوو.

هه‌روه‌ها له‌م فێستیڤاڵه‌دا شوان عه‌توف ده‌رهێنه‌ر و ئه‌کته‌ری ناسراوی کورد به‌شداری کرد و فیلمه‌کانی ئه‌ویش نمایش ده‌کرێت.

سێهه‌مین خولی فێستیڤاڵه‌که‌ به‌ دروشـمی "سینه‌ما و ده‌لاقه‌یه‌کی ملی" ده‌ستی به‌ کار کرد. ڕۆژی دووهه‌م فیلمی وڵاتی ونبوو له‌ ده‌رهێنانی هه‌وراز محه‌ممه‌د نمایش کرا. به‌رپرسی هونهره‌ جوانه‌کانی وڵاتی سوێد سه‌باره‌ت به‌م فێستیڤاڵه‌ وتی: من په‌رۆشی سینه‌مای کوردیم و بۆ به‌رز کردنه‌وه‌ی په‌یوه‌ندی نێوان هونه‌رمه‌نده‌ کورده‌کان و هونه‌رمه‌ندانی سوێد ئه‌وه‌ی له‌ ده‌ستمان بێت ئه‌نجامی ده‌ده‌ین.

لارگ بیژۆرک زیادی کرد: خۆم له‌ نزیکه‌وه‌ به‌شداری فێستیڤاڵی سینه‌مایی سلێمانیم کردووه‌ و لام وایه‌ هونه‌رمه‌ندانی کورد توان و لێهاتووی زۆر باشیان له‌ کاری فیلمسازیدا هه‌یه‌. هونه‌ر، به‌ تایبه‌ت سینه‌ما ڕۆڵێکی یه‌کجار زۆریان له‌ که‌م کردنه‌وه‌ ده‌مارگرژیدا هه‌یه‌ و ئێمه‌ ده‌بێت له‌م ده‌رفه‌ته‌ به‌ باشترین شێوه‌ که‌ڵک ببه‌ین.

دڵشاد ئه‌حمه‌د به‌ڕیوه‌به‌ری فێستیڤاڵه‌که‌ش وتی: ڕه‌نگه‌ له‌م سه‌رده‌ ئاڵۆز و پڕ له‌ ناکۆکییه‌ زۆر ئه‌سته‌م بێت فیلم دروست کردن، به‌ڵام بۆچوونه‌ مرۆڤییه‌کان پێمان ده‌ڵێت که‌ ده‌بێت به‌رده‌وام بین له‌م کاره‌ و هیوادار بین که‌ کاریگه‌ریمان به‌ سه‌ر جیهاندا ده‌بێت.

سێهه‌مین فێستیڤاڵی فیلمی کوردی یوتوبۆری له‌ وڵاتی سوێد، له‌ نێوان  ڕۆژانی ۵ بۆ ۸ی سه‌رماوه‌ز و به‌ به‌شداری ئێران، تورکیا، سوێد و هه‌رێمی کوردستان به‌ڕێوه‌ چوو.

سەرچاوە: ئاژانسی مێهر

اخبار مرتبط

نظرات

یادداشت ویژه

تێبینییەک لەسەر کافه کتێبەکان؛

ئەوەی هەیه و ئەوەی پێویسته ببێ

  دەمێکه دیاردەی دامەزراندنی هێندێک شوێن به ناو "کافه کتێب" له شارەکانی کوردستان پەرەی گرتووه و له زۆریێک له شارەکان شوێن‌گەلێک بەو ناوه دەکرێنەوه. دیاره هەر هەوڵێک که بەسترانەوەیەکی لەگەڵ هونەر و ئەدەب و فەرهەنگەوه هەبێ، کارێکی پیرۆزه و به تایبەت له وڵاتێکدا که دەزگا فەرمییەکان هەوڵێکی ئەوتۆ نادەن بۆ کردنەوەی شوێنی فەرهەنگی یا ئەوەی دەشکرێ دووره له بێلایەنی، هەوڵی خودی کۆمەڵگای فەرهەنگی بۆ پڕکردنەوەی بۆشاییەکان، گرینگییەکی تایبەت و کاریگەری هەیه. بەڵام دیاره هەر پێگه و شوێن و بنکەیەکی فەرهەنگی، دەبێ هێندێک بنەما و ستانداردی هەبێ تا ئەو ئامانجانەی هەیەتی یا بۆی داڕێژراوه دەستەبەر بکا. شوێنێک وەک کافه کتێبیش، ڕاسته که ئامانجی ئابووریی هەیه، بەڵام چون هەڵگری ناوی کتێبه که هێمایەکی فەرهەنگییه، دیاره لەو ئاستەدا هێندێک ئەرکی لەسەر شانه و کۆمەڵێک پێداویستی و بنەمای دەوێ بۆ بەجێهێنانی ئەو ئەرکانه. کاتی چوونەژوور لەو شوێنانه، بەرچاوترین جیاوازی لەگەڵ کافه و شوێنی دانیشتنه ئاساییەکان، بوونی هێندێک کتێبی جۆراوجۆر له سووچێکی ئەو شوێنانەیه. بەڵام ئەوەی سەرنج ڕا دەکێشێ، ئەو بابەتەیه که گۆیا ئەو کاره تەنیا بۆ لابردنی بەرپرسیارەتییه له ئەستۆ و پاساو هێنانەوەیەکه بۆ ئەوەی شوێنەکه لەگەڵ ناوەکەی بگونجێ. ئەوەش له چەند بوارەوه دەکرێ بەرەوڕووی ڕەخنه ببێتەوه که هێندێکی پەیوەسته به هەڵسوکەوتی خاوەنی شوێن و هێندیکیش جۆری کەڵک وەرگرتنی ئەو کەسانەی ڕوو دەکەنه ئەو شوێنانه. سەرەتا ئەوەی که بەپێی چەند شوێنێک که وردبینییان لەسەر کراوه، هەڵبژاردنی کتێب بەبێ هیچ سەرنجێک ئەنجام دەدرێ و تەنیا وەک لابردنی بەرپرسیارێتییه و پێ دەچێ هەرچی به دەستیان گەیشتبێ له هەر بوارێکدا کۆیان کردبێتەوه و بێ هیچ جیاکردنەوه و خشتەبەندییەک دایان نابێ. مەسەلەی تر، ئەوەیه که بەپێی ئەو ماوه کورتەی لەو شوێنانه ڕادەبردرێ، دیاره خوێندنەوەی تێر و تەسەلی کتێبێک دەست نادا و ئەو شوێنانه دەبێ ڕێگەخۆشکەرێک بن بۆ خەڵک که وێڕای ڕابواردن و تاوێک حەسانەوه، لەگەڵ کتێب یا بەرهەمێکی فەرهەنگیش ئاشنا بن و له کافه کتێبه ستانداردەکان وا باوه که کتێبەکان لەگەڵ خوێندنەوه، بۆ فرۆشیش ئامادەن و کەسێک که لەو چەند خولەکەدا و به خوێندنەوەیەکی کورت حەزی له کتێب یا بەرهەمێک دەبێ یا له گفتوگۆیەکدا کتێبێکی پێ پێشنیار دەکرێ، هەر لەوێ دەتوانێ کتێبەکه بکڕێ و بەو جۆره هەم له بواری ئابوورییەوه یارمەتییەکه بۆ کافەکتێب و هەم ئەو کەسەش وێڕای ڕابواردنی کاتی وچاندان، توانیویەتی کارێکی سوودمەندیش ئەنجام بدا. یەکێکی تر له تەوەرەکان، ئەوەیه که ئەو شوێنانه دەبێ وەک له ناوەکەیانەوه دیاره، جێیەک بن بۆ کۆبوونەوەی کۆمەڵگای فەرهەنگی، نەک تەنیا سیمای ئابووری و گشتی به خۆیان بگرن و تەنیا به ڕواڵەت و به ناو لەوانی تر جیا بنەوه. ئەوه لەسەر شانی بەرپرسانی ئەو شوێنانەیه که کەسانی تامەزرۆی فەرهەنگ و ئەدەب کۆ بکەنەوه و کارهاسانییان بۆ بکەن و پێداویستی‌گەلێکیان له بەردەست بنێن که بتوانن لەو شوێنانه کات ڕابوێرن و هاوکات خەریک به نووسین و نەخشاندن و بیرکردنەوه بن. له زۆر شوێن وەک هەرێمی کوردستانیش شوێن‌گەلێک هەن که ئەدیب و نووسەر و شاعیر و بیرمەندەکان کۆ دەبنەوه و له کەشێکی فەرهەنگیدا کاتیان ڕادەبوێرن که دەکرێ لێرەش کافه کتێبەکان ئەو ڕۆله بگێڕن. یەکێکی تر لەو ئەرکانەی له ئەستۆی ئەو شوێنانەیه و بەرچاو ناگیرێ و لانی کەم له شارەکانی کوردستان هێشتا نەدیتراوه که بەجێی بهێنن ...

وعده گاه مسئولین

روز شمار عنوان وعده
css.php