رفتن به بالا

تعداد اخبار امروز : 0 خبر


    Mahabad Fair
    34(°C)
    Wind 18(mph)
    Pressure 25.30(in)
    Visibility 6.0(mi)
    UV Index 0-Low
    Humidity 25.30(in)
  • یکشنبه ۱۴ آذر ۱۳۹۵ - ۱۴:۱۱
  • کد خبر : 2527
  • مشاهده : 142 بازدید
  • س.ت » میوزیک
  • چاپ خبر : دوو گۆرانی نوێ بڵاوده‌که‌مه‌وه‌

هونه‌رمه‌ندی گۆرانی بێژی سنه‌یی له‌ بڵاوکردنه‌وه‌ی دوو به‌رهه‌می نوێ له‌وانه‌ گۆرانیه‌کی هه‌ورامی له‌ ڕۆژانی داهاتوو، هه‌واڵی دا.

بە ڕاپۆرتی بینەر، فوئاد پیشوا، هونه‌رمه‌ندی گۆرانی بێژی خه‌ڵکی سنه‌ له‌ دیمانه‌یەک دا وتی: له‌ ڕۆژانی داهاتوودا دوو گۆرانی نوێ بڵاوده‌کاته‌وه‌ که‌ یه‌کێک له‌و گۆرانیانه‌ به‌ زمانی هه‌ورامییه‌.

فوئاد پیشوا ڕایگه‌یاند که‌ زنجیره‌یه‌ک به‌رهه‌می نوێی کوردی به‌ ده‌سته‌وه‌یه‌ که‌ دوو گۆرانیان به‌ ناوی «رميكس١ (ههورامان)» و «مه‌ڕۆ» ئاماده‌ی بڵاوکردنه‌وه‌یه‌.

ڕاشیگه‌یاند که‌ ئه‌و دوو گۆرانیه‌ ده‌نگیه‌ و وێنه‌ی له‌گه‌ڵ نییه‌ و له‌ سه‌ره‌تای ساڵی نوێی زایینیدا دێته‌ بازار.

وتیشی: گۆرانی هه‌ورامان به‌رهه‌مێکه‌ تێکه‌ڵ کراو له‌ میلۆدی جیاوازی ناوچه‌ی کۆنی هه‌ورامان که‌ به‌ مۆسیقای ئه‌لکترۆنیک ده‌وترێته‌وه‌ و شیعر و میلۆدیه‌که‌ی له‌ هونه‌رمه‌ندی ناوداری کوردستان مامۆستا عوسمان هه‌ورامی وه‌رگیراوه‌.

ئه‌و هونه‌رمه‌نده‌ ئامانجی خۆی له‌ گۆرانی وتن به‌ زمانی هه‌ورامی به‌وه‌ ڕاگه‌یاند که‌ ده‌یه‌وێت خزمه‌ت به‌ زمان و فه‌رهه‌نگی هه‌ورامی بکات که‌ به‌شێکی سه‌ره‌کی و کاریگه‌ری فه‌رهه‌نگ و مێژوو و هونه‌ری کورده‌واریه‌.

 فوئاد پیشوا زیادی کرد: دانانی مۆسیقای به‌رهه‌مه‌کان کاری خۆیه‌تی و حامد پیرا به‌ نه‌رمه‌ نه‌ی، نیما په‌سه‌ندیده‌ به‌ گیتار ئه‌لکتریک، میلاد نامدار به‌ ویۆلون یارمه‌تی ده‌ده‌ن له‌و دوو به‌رهه‌مه‌دا.

هه‌روه‌ها سه‌باره‌ت به‌ گۆرانی «مه‌ڕۆ» وتی: شێعر، مۆسیقادانان و مێلۆدی گۆرانی مه‌ڕۆ له‌ ئه‌ستۆی خۆم بووه‌.

شیاوی ئاماژه‌یه‌ که‌ فوئاد پیشوا ئه‌لبۆمێکی گۆرانی به‌ ناوی «یه‌ک» له‌ بازاڕدایه‌ و ده‌یه‌وێت ژماره‌یه‌ک له‌ به‌رهه‌مه‌کانی داهاتووی به‌ شێوه‌ی تاک تراکی له‌ ماڵپه‌ڕه‌ یاساییه‌کانی مۆسیقای ئێران بۆ لایه‌نگرانی بڵاوبکاته‌وه‌.

سەرچاوە: مێهر

اخبار مرتبط

نظرات

یادداشت ویژه

تێبینییەک لەسەر کافه کتێبەکان؛

ئەوەی هەیه و ئەوەی پێویسته ببێ

  دەمێکه دیاردەی دامەزراندنی هێندێک شوێن به ناو "کافه کتێب" له شارەکانی کوردستان پەرەی گرتووه و له زۆریێک له شارەکان شوێن‌گەلێک بەو ناوه دەکرێنەوه. دیاره هەر هەوڵێک که بەسترانەوەیەکی لەگەڵ هونەر و ئەدەب و فەرهەنگەوه هەبێ، کارێکی پیرۆزه و به تایبەت له وڵاتێکدا که دەزگا فەرمییەکان هەوڵێکی ئەوتۆ نادەن بۆ کردنەوەی شوێنی فەرهەنگی یا ئەوەی دەشکرێ دووره له بێلایەنی، هەوڵی خودی کۆمەڵگای فەرهەنگی بۆ پڕکردنەوەی بۆشاییەکان، گرینگییەکی تایبەت و کاریگەری هەیه. بەڵام دیاره هەر پێگه و شوێن و بنکەیەکی فەرهەنگی، دەبێ هێندێک بنەما و ستانداردی هەبێ تا ئەو ئامانجانەی هەیەتی یا بۆی داڕێژراوه دەستەبەر بکا. شوێنێک وەک کافه کتێبیش، ڕاسته که ئامانجی ئابووریی هەیه، بەڵام چون هەڵگری ناوی کتێبه که هێمایەکی فەرهەنگییه، دیاره لەو ئاستەدا هێندێک ئەرکی لەسەر شانه و کۆمەڵێک پێداویستی و بنەمای دەوێ بۆ بەجێهێنانی ئەو ئەرکانه. کاتی چوونەژوور لەو شوێنانه، بەرچاوترین جیاوازی لەگەڵ کافه و شوێنی دانیشتنه ئاساییەکان، بوونی هێندێک کتێبی جۆراوجۆر له سووچێکی ئەو شوێنانەیه. بەڵام ئەوەی سەرنج ڕا دەکێشێ، ئەو بابەتەیه که گۆیا ئەو کاره تەنیا بۆ لابردنی بەرپرسیارەتییه له ئەستۆ و پاساو هێنانەوەیەکه بۆ ئەوەی شوێنەکه لەگەڵ ناوەکەی بگونجێ. ئەوەش له چەند بوارەوه دەکرێ بەرەوڕووی ڕەخنه ببێتەوه که هێندێکی پەیوەسته به هەڵسوکەوتی خاوەنی شوێن و هێندیکیش جۆری کەڵک وەرگرتنی ئەو کەسانەی ڕوو دەکەنه ئەو شوێنانه. سەرەتا ئەوەی که بەپێی چەند شوێنێک که وردبینییان لەسەر کراوه، هەڵبژاردنی کتێب بەبێ هیچ سەرنجێک ئەنجام دەدرێ و تەنیا وەک لابردنی بەرپرسیارێتییه و پێ دەچێ هەرچی به دەستیان گەیشتبێ له هەر بوارێکدا کۆیان کردبێتەوه و بێ هیچ جیاکردنەوه و خشتەبەندییەک دایان نابێ. مەسەلەی تر، ئەوەیه که بەپێی ئەو ماوه کورتەی لەو شوێنانه ڕادەبردرێ، دیاره خوێندنەوەی تێر و تەسەلی کتێبێک دەست نادا و ئەو شوێنانه دەبێ ڕێگەخۆشکەرێک بن بۆ خەڵک که وێڕای ڕابواردن و تاوێک حەسانەوه، لەگەڵ کتێب یا بەرهەمێکی فەرهەنگیش ئاشنا بن و له کافه کتێبه ستانداردەکان وا باوه که کتێبەکان لەگەڵ خوێندنەوه، بۆ فرۆشیش ئامادەن و کەسێک که لەو چەند خولەکەدا و به خوێندنەوەیەکی کورت حەزی له کتێب یا بەرهەمێک دەبێ یا له گفتوگۆیەکدا کتێبێکی پێ پێشنیار دەکرێ، هەر لەوێ دەتوانێ کتێبەکه بکڕێ و بەو جۆره هەم له بواری ئابوورییەوه یارمەتییەکه بۆ کافەکتێب و هەم ئەو کەسەش وێڕای ڕابواردنی کاتی وچاندان، توانیویەتی کارێکی سوودمەندیش ئەنجام بدا. یەکێکی تر له تەوەرەکان، ئەوەیه که ئەو شوێنانه دەبێ وەک له ناوەکەیانەوه دیاره، جێیەک بن بۆ کۆبوونەوەی کۆمەڵگای فەرهەنگی، نەک تەنیا سیمای ئابووری و گشتی به خۆیان بگرن و تەنیا به ڕواڵەت و به ناو لەوانی تر جیا بنەوه. ئەوه لەسەر شانی بەرپرسانی ئەو شوێنانەیه که کەسانی تامەزرۆی فەرهەنگ و ئەدەب کۆ بکەنەوه و کارهاسانییان بۆ بکەن و پێداویستی‌گەلێکیان له بەردەست بنێن که بتوانن لەو شوێنانه کات ڕابوێرن و هاوکات خەریک به نووسین و نەخشاندن و بیرکردنەوه بن. له زۆر شوێن وەک هەرێمی کوردستانیش شوێن‌گەلێک هەن که ئەدیب و نووسەر و شاعیر و بیرمەندەکان کۆ دەبنەوه و له کەشێکی فەرهەنگیدا کاتیان ڕادەبوێرن که دەکرێ لێرەش کافه کتێبەکان ئەو ڕۆله بگێڕن. یەکێکی تر لەو ئەرکانەی له ئەستۆی ئەو شوێنانەیه و بەرچاو ناگیرێ و لانی کەم له شارەکانی کوردستان هێشتا نەدیتراوه که بەجێی بهێنن ...

وعده گاه مسئولین

روز شمار عنوان وعده
css.php