رفتن به بالا

تعداد اخبار امروز : 0 خبر


  • یکشنبه ۸ اسفند ۱۳۹۵
  • الأحد ۲۹ جماد أول ۱۴۳۸
  • 2017 Sunday 26 February
    Mahabad Fair
    -2(°C)
    Wind 4(mph)
    Pressure 25.68(in)
    Visibility 6.0(mi)
    UV Index 0-Low
    Humidity 25.68(in)
گاه‌شمار تاریخ خورشیدی
اسفند ۱۳۹۵
ش ی د س چ پ ج
« بهمن    
 123456
78910111213
14151617181920
21222324252627
2829  
  • دوشنبه ۱۵ آذر ۱۳۹۵ - ۲۲:۴۸
  • کد خبر : 2545
  • مشاهده : 50 بازدید
  • س.ت » سینه‌ما
  • چاپ خبر : فەرهاد ئەسلانی ڕیکۆردێکی له‌ سینه‌مای ئێران بە دەست هێنا
به‌ وه‌رگرتنی سێ خه‌ڵاتی نێوده‌وڵه‌تی؛

فەرهاد ئەسلانی ڕیکۆردێکی له‌ سینه‌مای ئێران بە دەست هێنا

فه‌رهاد ئه‌سڵانی تاکوو ئێسته‌ له‌ فستیڤاڵه‌ جیهانیه‌کان حه‌وت جار به‌ربژار کراوه‌ و ۳ جاریش باشترین خه‌ڵاته‌ نێوده‌وڵه‌تییه‌کان ته‌نیا بۆ یه‌ک فیلم وه‌ده‌ست هێناوه‌.

به‌ ڕاپۆرتی بینەر، فه‌رهاد ئه‌سڵانی ئه‌کته‌ری سینه‌ما خه‌ڵاتی باشترین ئه‌کته‌ری پیاوی فستیڤاڵی گوای پێشه‌که‌ش کرا و به‌م خه‌ڵاته‌ ڕیکۆردێکی بێ وێنه‌ی له‌ سینه‌مای ئێراندا شکاند.

به‌ پێی ڕاپۆرتی کاناڵی تلێگرامی سینه‌مایی ئێران، فه‌رهاد ئه‌سڵانی به‌ ڕۆڵگێڕان له‌ فیلمی کچ توانی حه‌وت جار به‌ربژاری وه‌رگرتنی خه‌ڵاتی باشترین ئه‌کته‌ری پیاو له‌ فستیڤاڵه‌ جیهانییه‌کان بێت. ئه‌سڵانی تاکوو ئێسته‌ به‌ هۆی ڕۆڵگێڕانی باوک له‌ فیلمی "کچ"له‌ فستیڤاڵه‌کانی فه‌جر، جه‌ژنی یانه‌ی سینه‌مایی، جه‌ژنی ڕخنه‌گه‌ران، ئاسیا پاسفیک، فستیڤاڵی مسکۆ، فستیڤاڵی باتۆمه‌ی و فستیڤاڵی گوا به‌ربژار کراوه‌ و له‌م ۷ خه‌ڵاته، ۳ خه‌ڵاتی وه‌ده‌ست هێناوه.

ئه‌مه‌ یه‌که‌مجاره‌ که‌ ئه‌کته‌رێک له‌ سینه‌مای ئێراندا بۆ ڕۆڵگێڕان له‌ ته‌نیا یه‌ک فیلمدا ئه‌وه‌نده‌ خه‌ڵاتی وه‌رگرتبێت.

ئه‌نجومه‌نی ناوه‌ندی ئه‌کته‌ره‌کانی ئێران به‌ ناردنی په‌یامێک ئه‌م ڕیکۆرده‌ نوێیه‌ی له‌ فه‌رهاد ئه‌سڵانی پیرۆز کرد، هه‌روه‌ها وه‌رگرتنی باشترین خه‌ڵاتی ئه‌کته‌ری پیاوی فستیڤاڵی گوایان له‌ ئه‌سلانی پیرۆز کرد.

فه‌رهاد ئه‌سڵانی له‌ دایک بووی شاری بیجاره‌ و له‌ دوایین چالاکی سینه‌مایی خۆی له‌ فیلمی "کچ" له‌ ده‌رهێنانی ڕه‌زا میرکه‌ریمی ڕۆڵی گێڕا، فیلمه‌که‌ ڕه‌وایه‌تی کچێکه‌ که‌ به‌ بێ مۆڵه‌تی باوکی بۆ سه‌فه‌رێک ده‌چێته‌ تارانی پایته‌خت و له‌وێ چه‌ند پێشهاتێک به‌رۆکی ده‌گرێت و باوکی ناچار به‌ دوای دادا ده‌چێت.

اخبار مرتبط

نظرات

یادداشت ویژه

«مه‌قبەرەی شوعه‌رای مه‌هاباد» و کێشەی ناشتنی ناوداران

مەرگ ڕاستترین ڕوداوی ژیانی مرۆڤە و هەنگاوی کۆتاوی ئەو پێواژۆیەیە. ئاوێتەی ئەو راستیە لەگەڵ نادیاری روداوەکانی پاش ئەو، مەرگی کردۆتە ڕاستێکی مەترسیدار و پڕ لە شارۆ. مرۆڤ بەدرێژایی تەمەنی ململانەی لەگەڵ مەرگ بۆ ناسین و تێگەشتنی کردووە. سروشتی پڕ لە سڕ و نهێنی مەرگ بۆتە هۆی بە پیرۆز یا پیس زانیینی لەلایان مرۆڤەوە. بە درێژایی مێژوو گەلان ڕێ و ڕەسمی جۆراوجۆریان بۆ ناشتن، لە ناوبردن و شاردنەوەی مردوەکانیان هەبووە.  ئەوەش پێویستی ئینسان بۆ بەدیهێنانی واتا و خوێندنەوەیەک لە جیهان و ڕوداوەکانی پاش مەرگ و دەرخستنی لەو شوێنە کە مردووەکانی لێ دادەنێ دەردەخا. ئامادە کردنی تەرمی مردوو بۆ جیهانێکی تر لە کۆنترین شارستانیەتەکانەوە باو بووە و چۆنیەتی و جۆری ڕازاندنەوە و ئامادەکردنەکە پەیوەندی ڕاستەوخۆی هەبووە لەگەڵ بیر و بۆچوون دەربارەی مەرگ. لە زۆربەی مەزهەب و ئایینە کۆنەکاندا مەرگ کۆتایی ژیان نەبووە و بە دەرباز بوون بۆ قۆناغێکی تر لێکدراوەتەوە و لە ڕاستیدا لە دینە ئاسمانیەکانیشدا قۆناغی پاش مەرگ جیهانی هەرمان و گرینگتر لە قۆناغی بەر لە مردنە و قۆناغی سەرەتایی، واتا ژیانی سەر زەوی دەستپێکێکە بۆ قۆناغە گرینگەکە و گرینگی ژیان لە خۆ ئامادە کردن بۆ ژیانی پاش مەرگ لێکدەدرێتەوە. هەر ئەو خوێندنەوەیە وای کردووە کە شوێنی شاردنەوەی مردووەکان بە شوێنی پیرۆز بناسرێ و گۆرستان وەک بەشێکی بەردەوام لە پێکهاتەی شاردا خۆ بنوێنی و بۆ کەونەناسان هێمایەکی هەمیشەیی لە نیشتەجێ بوونی ئینسان بووە. مەرگ جیا لەئەوەی واتا و پێکهاتەی ژیانی خستۆتە ژێر سێبەری خۆی کاریگەری زۆری لەسەر ئاواکاری (معماری) هەبووە، بە بۆچونی هاوارد کالوین Howard Colvin (لێزان و مێژونوسی ئاواکاری)، مەرگ سەرەتای ئاواکاری لە ڕۆژئاواش بووە. ئاوێتە بونی کلتوری کەونارا و مۆدێرن لە زۆربەی شوێنەکانی شاردنەوەی مردوەکان، هەروەها بە پیرۆز زانینی مردووەکان و باوەڕ بە پرەنسیبی هەرمان لە پاش مەرگ، چ لە بیروباوەڕی کۆندا و چ لە بیر و باوەڕی مۆدێڕندا خاڵی نیزیکی بڕواکان دەربارەی مەرگن و گۆڕستان ئێستاش شوێنی پیرۆزی پێکهاتەی شارە. بە پیرۆز زانینی گۆڕستان دوو هۆی لەمێژینەی هەیە، ترس لە مەرگ و بەو پێیە ترس لە مردووەکان و هەروەها نادیاربوونی جیهانی پاش مەرگ. ترس لە مەرگ و مردووەکان و هەروەها ئاواتەخوازی بۆ ژیانی هەرمان بە یەک ڕادە لای مرۆڤ گرینگ بوون و هەن. کۆنترین نوسراوەکان و چیرۆکەکان باس لە مەرگ و ژیانی هەرمان دەکەن، گیلگەمێش بۆ دۆزینەوەی هەرمانی سەفەرێکی ئۆدیسەیی دەستپێدەکا، بەڵام لە کۆتاییدا ئەوە مەرگە کە چاوەڕوانیەتی. هەروەک باسکرا چاوخوشاندنێک بەسەر کلتورە کۆنەکان ئەو ڕاستیە دەردەخەن کە مەرگ کاریگەری لەسەر بەدیهاتن و گەشەی ئاواکاری هەبووە. پیرامیدەکانی میسر (اهرام ثلاثه)، پەرەستگە کۆنەکان، نێکرۆپۆلیسی ئەترۆیایەکان(شاری مردوەکان)، گۆڕی عیلامی چۆغازەنبیل، گۆڕئەشکەوتەکانی ماد و هەخامەنێشیەکان، گۆڕە پڕشکۆکانی ئیسلامی و ... هتد بینای یادەوەری ئینسانە مردوەکانن، واتا ئەو کەسانەی جیهانی پاش مەرگیان بینیوە. ئەو چەشنە بینا و هێمایانە بۆ مردووەکان ڕاستەوخۆ دەگەڕێتەوە سەر بیرو باوەڕی مەزهەبی نەتەوەکان و ڕادەی بە پیرۆززانینی هەندێک لە مردووەکان لای زۆرینەی جەماوەر. لە ساڵانی سەرەتایی ئیسلامدا بارەگا و بینا و هێما بۆ مردووەکان باو نەبووە و جەماوەری موسوڵمان بە پەیرەوی کردنی پێغەمبەرەکەیان ڕێ و ڕەسمی دوور و درێژ و تایبەتیان بۆ شین لە سەر مردووەکان و ڕازاندنەوەی قەبرەکانیان نەبووە. بەڵام زۆر زوو ...

وعده گاه مسئولین

روز شمار عنوان وعده
css.php