رفتن به بالا

تعداد اخبار امروز : 0 خبر


  • جمعه ۸ اردیبهشت ۱۳۹۶
  • الجمعة ۱ شعبان ۱۴۳۸
  • 2017 Friday 28 April
    Mahabad Mostly Cloudy
    18(°C)
    Wind 7(mph)
    Pressure 25.58(in)
    Visibility 6.0(mi)
    UV Index 1-Low
    Humidity 25.58(in)
گاه‌شمار تاریخ خورشیدی
اردیبهشت ۱۳۹۶
ش ی د س چ پ ج
« فروردین    
 1
2345678
9101112131415
16171819202122
23242526272829
3031  
  • یکشنبه ۵ دی ۱۳۹۵ - ۲۱:۳۶
  • کد خبر : 2923
  • مشاهده : 116 بازدید
  • ئەدەب » س.ت
  • چاپ خبر : کۆڕی پەردەلادان له‌ دوو کتێبی کوردی منداڵان
له‌ سنه‌ به‌ڕێوه‌ ده‌چێت؛

کۆڕی پەردەلادان له‌ دوو کتێبی کوردی منداڵان

کافه‌ کتێبی تۆره‌نج کۆڕی ڕوونوینی له‌ دوو کتێبی منداڵان له‌ هۆڵی گشتی کتێبخانه‌ی سنه‌ به‌ڕێوه‌ ده‌بات.

به‌ ڕاپۆرتی بینەر، کۆڕی ڕوونوێنی له‌ دوو کتێبی «ڕێوی فێڵه‌ باز» له‌ نووسینی ڕۆڵد داڵ و «کوڕی قۆشه‌» له‌ نووسینی واڵتر ویپێرزبێرگ له‌ لایه‌ن کافه‌ کتێبی تۆره‌نجه‌وه‌ له‌ سنه‌ به‌ڕێوه‌ ده‌چێت.
به‌ پێی ئه‌م ڕاپۆرته‌، ئه‌م دوو کتێبه‌ منداڵانه‌ له‌ لایه‌ن «ئه‌نوه‌ر ناسری»یه‌وه‌ کراوه‌ به‌ کوردی و دوای ڕوونوێنی کردن به‌ فه‌رمی ڕه‌وانه‌ی بازاڕی کتێبی کوردی ده‌کرێت.
هه‌ر دوو کتێبی ڕێوی فێڵه‌ باز و کوڕی قۆشه‌ به‌شێکن له‌ ڕۆمانه‌ گرنگ و ناسراوه‌کانی جیهان و تاکوو ئێسته‌ به‌ چه‌ندین زمانی زیندووی جیهانی وه‌رگێڕدراون. کتێبی ڕێوی فێله‌باز بریتییه‌ له‌ چه‌ندین چیرۆکی کورتی منداڵان و کتێبی کوڕی قۆشه‌، ڕۆمانێکی ناسراوی جیهانی منداڵانه‌.
ئه‌نوه‌ر ناسری، وه‌گێڕی لاوی کورد ماوه‌ی چه‌ند ساڵێکه‌ کاری ئه‌دبه‌ی ده‌کات و چه‌ند کتێبێکی منداڵانی بۆ زمانی کوردی وه‌رگێڕاوه‌.
شایانی باسه‌ که‌ کۆڕی ڕوونوێنی له‌ دوو کتێبی «ڕێوی فێڵه‌ باز» و «کوڕی قۆشه‌»، ڕۆژی دووشه‌مه‌، کاتژمێر ١٥:٣٠ی ئێواره‌ له‌ هۆڵی گشتی کتێىخانه‌ی سنه‌ به‌ڕێوه‌ ده‌چێت.

 

اخبار مرتبط

نظرات

یادداشت ویژه

تێبینییەک لەسەر کافه کتێبەکان؛

ئەوەی هەیه و ئەوەی پێویسته ببێ

  دەمێکه دیاردەی دامەزراندنی هێندێک شوێن به ناو "کافه کتێب" له شارەکانی کوردستان پەرەی گرتووه و له زۆریێک له شارەکان شوێن‌گەلێک بەو ناوه دەکرێنەوه. دیاره هەر هەوڵێک که بەسترانەوەیەکی لەگەڵ هونەر و ئەدەب و فەرهەنگەوه هەبێ، کارێکی پیرۆزه و به تایبەت له وڵاتێکدا که دەزگا فەرمییەکان هەوڵێکی ئەوتۆ نادەن بۆ کردنەوەی شوێنی فەرهەنگی یا ئەوەی دەشکرێ دووره له بێلایەنی، هەوڵی خودی کۆمەڵگای فەرهەنگی بۆ پڕکردنەوەی بۆشاییەکان، گرینگییەکی تایبەت و کاریگەری هەیه. بەڵام دیاره هەر پێگه و شوێن و بنکەیەکی فەرهەنگی، دەبێ هێندێک بنەما و ستانداردی هەبێ تا ئەو ئامانجانەی هەیەتی یا بۆی داڕێژراوه دەستەبەر بکا. شوێنێک وەک کافه کتێبیش، ڕاسته که ئامانجی ئابووریی هەیه، بەڵام چون هەڵگری ناوی کتێبه که هێمایەکی فەرهەنگییه، دیاره لەو ئاستەدا هێندێک ئەرکی لەسەر شانه و کۆمەڵێک پێداویستی و بنەمای دەوێ بۆ بەجێهێنانی ئەو ئەرکانه. کاتی چوونەژوور لەو شوێنانه، بەرچاوترین جیاوازی لەگەڵ کافه و شوێنی دانیشتنه ئاساییەکان، بوونی هێندێک کتێبی جۆراوجۆر له سووچێکی ئەو شوێنانەیه. بەڵام ئەوەی سەرنج ڕا دەکێشێ، ئەو بابەتەیه که گۆیا ئەو کاره تەنیا بۆ لابردنی بەرپرسیارەتییه له ئەستۆ و پاساو هێنانەوەیەکه بۆ ئەوەی شوێنەکه لەگەڵ ناوەکەی بگونجێ. ئەوەش له چەند بوارەوه دەکرێ بەرەوڕووی ڕەخنه ببێتەوه که هێندێکی پەیوەسته به هەڵسوکەوتی خاوەنی شوێن و هێندیکیش جۆری کەڵک وەرگرتنی ئەو کەسانەی ڕوو دەکەنه ئەو شوێنانه. سەرەتا ئەوەی که بەپێی چەند شوێنێک که وردبینییان لەسەر کراوه، هەڵبژاردنی کتێب بەبێ هیچ سەرنجێک ئەنجام دەدرێ و تەنیا وەک لابردنی بەرپرسیارێتییه و پێ دەچێ هەرچی به دەستیان گەیشتبێ له هەر بوارێکدا کۆیان کردبێتەوه و بێ هیچ جیاکردنەوه و خشتەبەندییەک دایان نابێ. مەسەلەی تر، ئەوەیه که بەپێی ئەو ماوه کورتەی لەو شوێنانه ڕادەبردرێ، دیاره خوێندنەوەی تێر و تەسەلی کتێبێک دەست نادا و ئەو شوێنانه دەبێ ڕێگەخۆشکەرێک بن بۆ خەڵک که وێڕای ڕابواردن و تاوێک حەسانەوه، لەگەڵ کتێب یا بەرهەمێکی فەرهەنگیش ئاشنا بن و له کافه کتێبه ستانداردەکان وا باوه که کتێبەکان لەگەڵ خوێندنەوه، بۆ فرۆشیش ئامادەن و کەسێک که لەو چەند خولەکەدا و به خوێندنەوەیەکی کورت حەزی له کتێب یا بەرهەمێک دەبێ یا له گفتوگۆیەکدا کتێبێکی پێ پێشنیار دەکرێ، هەر لەوێ دەتوانێ کتێبەکه بکڕێ و بەو جۆره هەم له بواری ئابوورییەوه یارمەتییەکه بۆ کافەکتێب و هەم ئەو کەسەش وێڕای ڕابواردنی کاتی وچاندان، توانیویەتی کارێکی سوودمەندیش ئەنجام بدا. یەکێکی تر له تەوەرەکان، ئەوەیه که ئەو شوێنانه دەبێ وەک له ناوەکەیانەوه دیاره، جێیەک بن بۆ کۆبوونەوەی کۆمەڵگای فەرهەنگی، نەک تەنیا سیمای ئابووری و گشتی به خۆیان بگرن و تەنیا به ڕواڵەت و به ناو لەوانی تر جیا بنەوه. ئەوه لەسەر شانی بەرپرسانی ئەو شوێنانەیه که کەسانی تامەزرۆی فەرهەنگ و ئەدەب کۆ بکەنەوه و کارهاسانییان بۆ بکەن و پێداویستی‌گەلێکیان له بەردەست بنێن که بتوانن لەو شوێنانه کات ڕابوێرن و هاوکات خەریک به نووسین و نەخشاندن و بیرکردنەوه بن. له زۆر شوێن وەک هەرێمی کوردستانیش شوێن‌گەلێک هەن که ئەدیب و نووسەر و شاعیر و بیرمەندەکان کۆ دەبنەوه و له کەشێکی فەرهەنگیدا کاتیان ڕادەبوێرن که دەکرێ لێرەش کافه کتێبەکان ئەو ڕۆله بگێڕن. یەکێکی تر لەو ئەرکانەی له ئەستۆی ئەو شوێنانەیه و بەرچاو ناگیرێ و لانی کەم له شارەکانی کوردستان هێشتا نەدیتراوه که بەجێی بهێنن ...

جدیدترین خبرها

وعده گاه مسئولین

روز شمار عنوان وعده
css.php