رفتن به بالا

تعداد اخبار امروز : 0 خبر


  • سه شنبه ۶ تیر ۱۳۹۶
  • الثلاثاء ۲ شوال ۱۴۳۸
  • 2017 Tuesday 27 June
    Mahabad Fair
    18(°C)
    Wind Calm
    Pressure 25.54(in)
    Visibility 6.0(mi)
    UV Index 0-Low
    Humidity 25.54(in)
گاه‌شمار تاریخ خورشیدی
تیر ۱۳۹۶
ش ی د س چ پ ج
« خرداد    
 12
3456789
10111213141516
17181920212223
24252627282930
31  
  • پنج شنبه ۱۸ آذر ۱۳۹۵ - ۱۴:۰۹
  • کد خبر : 2716
  • مشاهده : 141 بازدید
  • ئەدەب » س.ت
  • چاپ خبر : ٢ کتێبی منداڵان به‌ زمانی هه‌ورامی بڵاو کرایه‌وه‌

دوو کتێبی منداڵان به‌ زاراوه‌ی هه‌ورامی له‌ شاری مه‌ریوان ڕه‌وانه‌ی بازاڕی کتێبی کوردی کرا.

به‌ ڕاپۆرتی بینەر، نووسه‌رێکی هه‌ورامانی دوو کتێبی منداڵانی به‌ زاراوه‌ی هه‌ورامی له‌ شاری مه‌ریوان ڕه‌وانه‌ی بازاڕی کتێبی کوردی کرد.

به‌ پێی ئه‌م ڕاپۆرته، کتێبی «تیتل و بیبل» و «ڕازاوه‌ و مامالێ» ناوی دوو کتێبی نوێ منداڵانه‌ به‌ زاراوه‌ی هه‌ورامی که‌ له‌ لایه‌ن ئیبراهیم شه‌مسه‌وه‌ نووسراوه، کتێبه‌کان به‌ دیزاین و کوالیتی باشه‌وه‌ له‌ چاپ دراون.

سه‌رچاوه‌ی هه‌ر دوو کتێبه‌که‌ چیرۆکه‌ فۆلکلۆره‌کانی ناوچه‌ی هه‌ورامانه‌ هه‌ر کام له‌م کتێبانه‌ له‌ ١٥ لاپه‌ڕه‌دا له‌ چاپ دراوه، چاپی ئه‌م کتێبانه‌ له‌ ئه‌ستۆی بڵاڤگه‌ی ڕێباز له‌ شاری مه‌ریوان بووه.

هه‌ر دوو کتێبه‌که‌ له‌ لایه‌ن خاتوو موژده‌ فه‌یزیه‌وه‌ وێنه‌ سازی جوان و منداڵانه‌یان بۆ کراوه.

شایانی باسه‌ که‌ ماوه‌ی چه‌ند ساڵێکه‌ که‌ دانیشتوانی هه‌ورامان له‌ کوردستانی ئێران سه‌رقاڵی نووسین و وه‌رگێڕان به‌ زاراوه‌ی هه‌ورامین و تا دێت چالاکی چینی فه‌رهه‌نگی و نووسه‌رانی هه‌ورامی له‌م ڕووه‌وه‌ له‌ زیاد بوون دایه.

ئیبراهیم شه‌مس له‌ دایکبووی شاری سه‌وڵاوایه‌ و نووسه‌ر و چالاکی دیاری ناوچه‌ی هه‌ورامانه‌ و به‌ر له‌م دوو کتێبه، چوار کتێبی ئه‌ده‌بی دیکه‌شی له‌ چاپ داوه.

سەرچاوە: مێهر

اخبار مرتبط

نظرات

یادداشت ویژه

تێبینییەک لەسەر کافه کتێبەکان؛

ئەوەی هەیه و ئەوەی پێویسته ببێ

  دەمێکه دیاردەی دامەزراندنی هێندێک شوێن به ناو "کافه کتێب" له شارەکانی کوردستان پەرەی گرتووه و له زۆریێک له شارەکان شوێن‌گەلێک بەو ناوه دەکرێنەوه. دیاره هەر هەوڵێک که بەسترانەوەیەکی لەگەڵ هونەر و ئەدەب و فەرهەنگەوه هەبێ، کارێکی پیرۆزه و به تایبەت له وڵاتێکدا که دەزگا فەرمییەکان هەوڵێکی ئەوتۆ نادەن بۆ کردنەوەی شوێنی فەرهەنگی یا ئەوەی دەشکرێ دووره له بێلایەنی، هەوڵی خودی کۆمەڵگای فەرهەنگی بۆ پڕکردنەوەی بۆشاییەکان، گرینگییەکی تایبەت و کاریگەری هەیه. بەڵام دیاره هەر پێگه و شوێن و بنکەیەکی فەرهەنگی، دەبێ هێندێک بنەما و ستانداردی هەبێ تا ئەو ئامانجانەی هەیەتی یا بۆی داڕێژراوه دەستەبەر بکا. شوێنێک وەک کافه کتێبیش، ڕاسته که ئامانجی ئابووریی هەیه، بەڵام چون هەڵگری ناوی کتێبه که هێمایەکی فەرهەنگییه، دیاره لەو ئاستەدا هێندێک ئەرکی لەسەر شانه و کۆمەڵێک پێداویستی و بنەمای دەوێ بۆ بەجێهێنانی ئەو ئەرکانه. کاتی چوونەژوور لەو شوێنانه، بەرچاوترین جیاوازی لەگەڵ کافه و شوێنی دانیشتنه ئاساییەکان، بوونی هێندێک کتێبی جۆراوجۆر له سووچێکی ئەو شوێنانەیه. بەڵام ئەوەی سەرنج ڕا دەکێشێ، ئەو بابەتەیه که گۆیا ئەو کاره تەنیا بۆ لابردنی بەرپرسیارەتییه له ئەستۆ و پاساو هێنانەوەیەکه بۆ ئەوەی شوێنەکه لەگەڵ ناوەکەی بگونجێ. ئەوەش له چەند بوارەوه دەکرێ بەرەوڕووی ڕەخنه ببێتەوه که هێندێکی پەیوەسته به هەڵسوکەوتی خاوەنی شوێن و هێندیکیش جۆری کەڵک وەرگرتنی ئەو کەسانەی ڕوو دەکەنه ئەو شوێنانه. سەرەتا ئەوەی که بەپێی چەند شوێنێک که وردبینییان لەسەر کراوه، هەڵبژاردنی کتێب بەبێ هیچ سەرنجێک ئەنجام دەدرێ و تەنیا وەک لابردنی بەرپرسیارێتییه و پێ دەچێ هەرچی به دەستیان گەیشتبێ له هەر بوارێکدا کۆیان کردبێتەوه و بێ هیچ جیاکردنەوه و خشتەبەندییەک دایان نابێ. مەسەلەی تر، ئەوەیه که بەپێی ئەو ماوه کورتەی لەو شوێنانه ڕادەبردرێ، دیاره خوێندنەوەی تێر و تەسەلی کتێبێک دەست نادا و ئەو شوێنانه دەبێ ڕێگەخۆشکەرێک بن بۆ خەڵک که وێڕای ڕابواردن و تاوێک حەسانەوه، لەگەڵ کتێب یا بەرهەمێکی فەرهەنگیش ئاشنا بن و له کافه کتێبه ستانداردەکان وا باوه که کتێبەکان لەگەڵ خوێندنەوه، بۆ فرۆشیش ئامادەن و کەسێک که لەو چەند خولەکەدا و به خوێندنەوەیەکی کورت حەزی له کتێب یا بەرهەمێک دەبێ یا له گفتوگۆیەکدا کتێبێکی پێ پێشنیار دەکرێ، هەر لەوێ دەتوانێ کتێبەکه بکڕێ و بەو جۆره هەم له بواری ئابوورییەوه یارمەتییەکه بۆ کافەکتێب و هەم ئەو کەسەش وێڕای ڕابواردنی کاتی وچاندان، توانیویەتی کارێکی سوودمەندیش ئەنجام بدا. یەکێکی تر له تەوەرەکان، ئەوەیه که ئەو شوێنانه دەبێ وەک له ناوەکەیانەوه دیاره، جێیەک بن بۆ کۆبوونەوەی کۆمەڵگای فەرهەنگی، نەک تەنیا سیمای ئابووری و گشتی به خۆیان بگرن و تەنیا به ڕواڵەت و به ناو لەوانی تر جیا بنەوه. ئەوه لەسەر شانی بەرپرسانی ئەو شوێنانەیه که کەسانی تامەزرۆی فەرهەنگ و ئەدەب کۆ بکەنەوه و کارهاسانییان بۆ بکەن و پێداویستی‌گەلێکیان له بەردەست بنێن که بتوانن لەو شوێنانه کات ڕابوێرن و هاوکات خەریک به نووسین و نەخشاندن و بیرکردنەوه بن. له زۆر شوێن وەک هەرێمی کوردستانیش شوێن‌گەلێک هەن که ئەدیب و نووسەر و شاعیر و بیرمەندەکان کۆ دەبنەوه و له کەشێکی فەرهەنگیدا کاتیان ڕادەبوێرن که دەکرێ لێرەش کافه کتێبەکان ئەو ڕۆله بگێڕن. یەکێکی تر لەو ئەرکانەی له ئەستۆی ئەو شوێنانەیه و بەرچاو ناگیرێ و لانی کەم له شارەکانی کوردستان هێشتا نەدیتراوه که بەجێی بهێنن ...

وعده گاه مسئولین

روز شمار عنوان وعده
css.php