رفتن به بالا

تعداد اخبار امروز : 0 خبر


  • الثلاثاء ۴ ربيع أول ۱۴۴۰
  • 2018 Tuesday 13 November
    Mahabad Fair
    ٩(°C)
    Wind ٧(mph)
    Pressure ٢۵.۶۵(in)
    Visibility ۶.٠(mi)
    UV Index 0-Low
    Humidity ٢۵.۶۵(in)
گاه‌شمار تاریخ خورشیدی
آبان ۱۳۹۷
ش ی د س چ پ ج
« مهر    
 1234
567891011
12131415161718
19202122232425
2627282930  
  • پنج شنبه ۸ تیر ۱۳۹۶ - ۱۳:۵۸
  • کد خبر : 5134
  • مشاهده : 296 بازدید
  • ئەدەب » تیتری 3 » س.ت
  • چاپ خبر : بەختیار عەلی بەشداریی فیستیڤاڵی نێودەوڵەتی لۆیکەرباد لە سویسرا دەكات

بەختیار عەلی لە فیستیڤاڵی نێودەوڵەتی لۆیکەرباد لە سویسرا، دوو سمینار بە زمانی ئەڵمانی پێشكەش دەكات.

بە ڕاپۆڕتی بینەر بە گێڕانەوە لە باس‌نیوز، ئەم هەفتەیە لە ناوچەی لۆیكەرباد لە وڵاتی سویسرا یەكێ لە گرنگترین فیستیڤاڵە ئەدەبیەكانی جیهان بەڕێوەدەچێ، تیایدا بەختیار عەلی، گەورە نووسەری كورد دوو سمینار بە زمانی ئەڵمانی پێشكەش دەكات.
کار و چالاکییەکانی بیست و دووەمین فیستیڤاڵی ئەدەبی نێودەوڵەتی لۆیکەرباد لە ناوچەی لۆیکەرباد لە سویسرا، لە ڕۆژانی ٩ هەتا ١١ی پووشپەڕ بەڕێوەدەچێت.
فیستیڤاڵی ئەدەبی لۆیکەرباد یەکێکە لە فیستیڤاڵە ئەدەبییە گرنگەکان کە هەمیشە ناوە ئەدەبییە زۆر دیار و بەرچاوەکانی جیهان داوەت دەکات.
بۆ ئەم خولە، بەختیار عەلی وەک یەکێک لە بەشداربووە سەرەكیەكان، لە پاڵ هەندێک ناوی ناسراوی وەک جۆن فرای، مۆنیکا مارۆن و تیم پارک دوو سمینار پێشکەش دەکات.
سمیناری یەكەم لە ڕۆژی ١٠ی پووشپەڕدا دەبێت، لە Hotel Regina Terme بە یاوەری ئەریلا زارباخەر.
سمیناری دووەمیش لە ڕۆژی ١١ی پووشپەڕدا دەبێت، لە Hotelbar Les Sources des Alpes.
بۆ زانیاریی زیاتر لەبارەی كات و شوێنەكانی فیستیڤاڵەكە، سەردانی ئەم لینكە بكە: کرتە بکە

 

اخبار مرتبط

نظرات

یادداشت ویژه

تێبینییەک لەسەر کافه کتێبەکان؛

ئەوەی هەیه و ئەوەی پێویسته ببێ

  دەمێکه دیاردەی دامەزراندنی هێندێک شوێن به ناو "کافه کتێب" له شارەکانی کوردستان پەرەی گرتووه و له زۆریێک له شارەکان شوێن‌گەلێک بەو ناوه دەکرێنەوه. دیاره هەر هەوڵێک که بەسترانەوەیەکی لەگەڵ هونەر و ئەدەب و فەرهەنگەوه هەبێ، کارێکی پیرۆزه و به تایبەت له وڵاتێکدا که دەزگا فەرمییەکان هەوڵێکی ئەوتۆ نادەن بۆ کردنەوەی شوێنی فەرهەنگی یا ئەوەی دەشکرێ دووره له بێلایەنی، هەوڵی خودی کۆمەڵگای فەرهەنگی بۆ پڕکردنەوەی بۆشاییەکان، گرینگییەکی تایبەت و کاریگەری هەیه. بەڵام دیاره هەر پێگه و شوێن و بنکەیەکی فەرهەنگی، دەبێ هێندێک بنەما و ستانداردی هەبێ تا ئەو ئامانجانەی هەیەتی یا بۆی داڕێژراوه دەستەبەر بکا. شوێنێک وەک کافه کتێبیش، ڕاسته که ئامانجی ئابووریی هەیه، بەڵام چون هەڵگری ناوی کتێبه که هێمایەکی فەرهەنگییه، دیاره لەو ئاستەدا هێندێک ئەرکی لەسەر شانه و کۆمەڵێک پێداویستی و بنەمای دەوێ بۆ بەجێهێنانی ئەو ئەرکانه. کاتی چوونەژوور لەو شوێنانه، بەرچاوترین جیاوازی لەگەڵ کافه و شوێنی دانیشتنه ئاساییەکان، بوونی هێندێک کتێبی جۆراوجۆر له سووچێکی ئەو شوێنانەیه. بەڵام ئەوەی سەرنج ڕا دەکێشێ، ئەو بابەتەیه که گۆیا ئەو کاره تەنیا بۆ لابردنی بەرپرسیارەتییه له ئەستۆ و پاساو هێنانەوەیەکه بۆ ئەوەی شوێنەکه لەگەڵ ناوەکەی بگونجێ. ئەوەش له چەند بوارەوه دەکرێ بەرەوڕووی ڕەخنه ببێتەوه که هێندێکی پەیوەسته به هەڵسوکەوتی خاوەنی شوێن و هێندیکیش جۆری کەڵک وەرگرتنی ئەو کەسانەی ڕوو دەکەنه ئەو شوێنانه. سەرەتا ئەوەی که بەپێی چەند شوێنێک که وردبینییان لەسەر کراوه، هەڵبژاردنی کتێب بەبێ هیچ سەرنجێک ئەنجام دەدرێ و تەنیا وەک لابردنی بەرپرسیارێتییه و پێ دەچێ هەرچی به دەستیان گەیشتبێ له هەر بوارێکدا کۆیان کردبێتەوه و بێ هیچ جیاکردنەوه و خشتەبەندییەک دایان نابێ. مەسەلەی تر، ئەوەیه که بەپێی ئەو ماوه کورتەی لەو شوێنانه ڕادەبردرێ، دیاره خوێندنەوەی تێر و تەسەلی کتێبێک دەست نادا و ئەو شوێنانه دەبێ ڕێگەخۆشکەرێک بن بۆ خەڵک که وێڕای ڕابواردن و تاوێک حەسانەوه، لەگەڵ کتێب یا بەرهەمێکی فەرهەنگیش ئاشنا بن و له کافه کتێبه ستانداردەکان وا باوه که کتێبەکان لەگەڵ خوێندنەوه، بۆ فرۆشیش ئامادەن و کەسێک که لەو چەند خولەکەدا و به خوێندنەوەیەکی کورت حەزی له کتێب یا بەرهەمێک دەبێ یا له گفتوگۆیەکدا کتێبێکی پێ پێشنیار دەکرێ، هەر لەوێ دەتوانێ کتێبەکه بکڕێ و بەو جۆره هەم له بواری ئابوورییەوه یارمەتییەکه بۆ کافەکتێب و هەم ئەو کەسەش وێڕای ڕابواردنی کاتی وچاندان، توانیویەتی کارێکی سوودمەندیش ئەنجام بدا. یەکێکی تر له تەوەرەکان، ئەوەیه که ئەو شوێنانه دەبێ وەک له ناوەکەیانەوه دیاره، جێیەک بن بۆ کۆبوونەوەی کۆمەڵگای فەرهەنگی، نەک تەنیا سیمای ئابووری و گشتی به خۆیان بگرن و تەنیا به ڕواڵەت و به ناو لەوانی تر جیا بنەوه. ئەوه لەسەر شانی بەرپرسانی ئەو شوێنانەیه که کەسانی تامەزرۆی فەرهەنگ و ئەدەب کۆ بکەنەوه و کارهاسانییان بۆ بکەن و پێداویستی‌گەلێکیان له بەردەست بنێن که بتوانن لەو شوێنانه کات ڕابوێرن و هاوکات خەریک به نووسین و نەخشاندن و بیرکردنەوه بن. له زۆر شوێن وەک هەرێمی کوردستانیش شوێن‌گەلێک هەن که ئەدیب و نووسەر و شاعیر و بیرمەندەکان کۆ دەبنەوه و له کەشێکی فەرهەنگیدا کاتیان ڕادەبوێرن که دەکرێ لێرەش کافه کتێبەکان ئەو ڕۆله بگێڕن. یەکێکی تر لەو ئەرکانەی له ئەستۆی ئەو شوێنانەیه و بەرچاو ناگیرێ و لانی کەم له شارەکانی کوردستان هێشتا نەدیتراوه که بەجێی بهێنن ...

وعده گاه مسئولین

روز شمار عنوان وعده
css.php