رفتن به بالا

تعداد اخبار امروز : 0 خبر


    Mahabad Fair
    ١٢(°C)
    Wind Calm
    Pressure ٢۵.۶٢(in)
    Visibility ۶.٠(mi)
    UV Index 0-Low
    Humidity ٢۵.۶٢(in)
گاه‌شمار تاریخ خورشیدی
مهر ۱۳۹۷
ش ی د س چ پ ج
« شهریور    
 123456
78910111213
14151617181920
21222324252627
282930  

له‌ میانه‌ی کۆنفڕانسێکی ڕۆژنامه‌وانیدا ڕایگه‌یه‌ندرا که‌ دووهه‌مین فستیڤاڵی نێودەوڵەتی فیلمی سلێمانی بەڕێوە دەچێت.

به‌ ڕاپۆرتی بینەر بە گێڕانەوە لە مێهر، کۆنفڕانسێکی رۆژنامەوانی بۆ مەلا بەختیار، سەرۆكی فستیڤاڵی نێودەوڵەتی فیلمی سلێمانی، سەبارەت بەڕاگەیاندنی دووهه‌مین فستیڤاڵ، لە كۆمپانیای مەستی فیلم، بەڕێوە چوو.

به‌ پێی ئه‌م ڕاپۆرته‌ له‌م کۆنفڕانسه‌دا، مەلا بەختیار، ئاماژەی بۆ ئەوەكرد، كە: وەک لە یەكەمین فستیڤاڵدا بەڵێندرا كە فستیڤاڵەكان بەردەوام ده‌بن، ئەوا ئەمڕۆ یەكەمین چالاكی خۆ ئامادە كردن بۆ دووهه‌مین فستیڤاڵی نێودەوڵەتی سینەما، لە شاری سلێمانی، پایتەختی رووناكبیری دەست پێ دەكات‌و هاوڕێیانی مەستی فیلمیش خۆیان ماندوو دەكەن‌ و لەم ساڵیشدا وچانیان نەبووە و ئەوەندەی توانیویانە وردە وردە هەنگاوی بەجێیان داناوە و یەكەمین فستیڤاڵیان بە جوانی هەڵسەنگاندووە، كەموكوڕییەكانی یەكەمین فستیڤاڵ ئەوەندەی من دەزانم، لە دووهه‌مین فستیڤاڵدا دووبارە نابێتەوە.

ئه‌و زیادی کرد: ئومێدێكی گەورە هەیە، دووهه‌مین فستیڤاڵ، لە یەكەمین نەچێت‌ و زەمینەیەكی لەبار ساز بدات، كە سێهەمین فستیڤاڵ، هەر بەڕاستی فستیڤاڵێكی نێودەوڵەتی ئەوتۆ بێت، كە نەتەوەی كورد و شاری سلێمانیش شانازی پێوە بكەن.

مه‌لا به‌ختیار ئاماژەی دا: سلێمانی لەو شارانەیە، كە توانایەكی زۆری تێدایە، هەم بە زوویی رەخنە لە كەموكوڕییەكانی دەگیردرێت‌ و هەم رەخنەش لەم شارە وەردەگیرێت. یەكێك لەخەسڵەتە جوانەكانی هەموو شارێكی زیندوو ئەوەیە، كە رەخنە تیایدا زیندووەو قبوڵ كردنی رەخنەش، بۆ چارەسەر كردنی كەموكوڕییەكانه‌.

ئه‌و جه‌ختی کرد: دووهەمین فستیڤاڵ لە ئێستاوە ئەوەندەی فیلم كۆبۆتەوە و ئەوەندەی پەرۆشی هۆگری هەیە بۆ بەشداری كردن، دەتوانین بڵێین؛ مایەی دڵخۆشییە. ئومێدەوارین سلێمانی ئەو ئامێزە گەرم و پڕ لە داهێنانە بێت، كە ئاییندەی سینەما و سینەماسازی لە كوردستاندا چاوەڕوانی دەكات و بێگومان ئەمكارەش، یەكێك لەو شارانەی كە شایەنێتی بتوانێت ئەو ئامێزە پڕ لە داهێنانەبێ‌، شاری سلێمانییە.

فوئاد جەلال، بەڕێوەبەری مەستی فیلم، لەهەمان کۆنگرەی ڕۆژنامەوانیدا ڕایگەیاند، ساڵی پار فستیڤاڵەکە چوار ڕۆژ بوو، بەڵام ئەمساڵ دەکرێتە حەوت ڕۆژ لە ٢٠١٧/١٠/١ بەرامبەر دەگەڵ ٩ی ڕەزبەر تاوەکو ٢٠١٧/١٠/٧ بەرامبەر دەگەڵ ١٥ی ڕەزبەری ١٣٩٦ی هەتاوی لە زانکۆی سلێمانی بەڕێوە دەچێت. ئاماژەی بەوەشدا، ئەگەر بەهاوکاری کۆمەڵێک کۆمپانیا و کەسایەتی نەبوایە ئەم فستیڤاڵەکە ئەنجام نەدەدرا و ئەمساڵیش ئەو کەسایەتییانە بە هەمان هیممەتی ساڵی ڕابردوو هاتونەتە پێشەوە.

اخبار مرتبط

نظرات

یادداشت ویژه

تێبینییەک لەسەر کافه کتێبەکان؛

ئەوەی هەیه و ئەوەی پێویسته ببێ

  دەمێکه دیاردەی دامەزراندنی هێندێک شوێن به ناو "کافه کتێب" له شارەکانی کوردستان پەرەی گرتووه و له زۆریێک له شارەکان شوێن‌گەلێک بەو ناوه دەکرێنەوه. دیاره هەر هەوڵێک که بەسترانەوەیەکی لەگەڵ هونەر و ئەدەب و فەرهەنگەوه هەبێ، کارێکی پیرۆزه و به تایبەت له وڵاتێکدا که دەزگا فەرمییەکان هەوڵێکی ئەوتۆ نادەن بۆ کردنەوەی شوێنی فەرهەنگی یا ئەوەی دەشکرێ دووره له بێلایەنی، هەوڵی خودی کۆمەڵگای فەرهەنگی بۆ پڕکردنەوەی بۆشاییەکان، گرینگییەکی تایبەت و کاریگەری هەیه. بەڵام دیاره هەر پێگه و شوێن و بنکەیەکی فەرهەنگی، دەبێ هێندێک بنەما و ستانداردی هەبێ تا ئەو ئامانجانەی هەیەتی یا بۆی داڕێژراوه دەستەبەر بکا. شوێنێک وەک کافه کتێبیش، ڕاسته که ئامانجی ئابووریی هەیه، بەڵام چون هەڵگری ناوی کتێبه که هێمایەکی فەرهەنگییه، دیاره لەو ئاستەدا هێندێک ئەرکی لەسەر شانه و کۆمەڵێک پێداویستی و بنەمای دەوێ بۆ بەجێهێنانی ئەو ئەرکانه. کاتی چوونەژوور لەو شوێنانه، بەرچاوترین جیاوازی لەگەڵ کافه و شوێنی دانیشتنه ئاساییەکان، بوونی هێندێک کتێبی جۆراوجۆر له سووچێکی ئەو شوێنانەیه. بەڵام ئەوەی سەرنج ڕا دەکێشێ، ئەو بابەتەیه که گۆیا ئەو کاره تەنیا بۆ لابردنی بەرپرسیارەتییه له ئەستۆ و پاساو هێنانەوەیەکه بۆ ئەوەی شوێنەکه لەگەڵ ناوەکەی بگونجێ. ئەوەش له چەند بوارەوه دەکرێ بەرەوڕووی ڕەخنه ببێتەوه که هێندێکی پەیوەسته به هەڵسوکەوتی خاوەنی شوێن و هێندیکیش جۆری کەڵک وەرگرتنی ئەو کەسانەی ڕوو دەکەنه ئەو شوێنانه. سەرەتا ئەوەی که بەپێی چەند شوێنێک که وردبینییان لەسەر کراوه، هەڵبژاردنی کتێب بەبێ هیچ سەرنجێک ئەنجام دەدرێ و تەنیا وەک لابردنی بەرپرسیارێتییه و پێ دەچێ هەرچی به دەستیان گەیشتبێ له هەر بوارێکدا کۆیان کردبێتەوه و بێ هیچ جیاکردنەوه و خشتەبەندییەک دایان نابێ. مەسەلەی تر، ئەوەیه که بەپێی ئەو ماوه کورتەی لەو شوێنانه ڕادەبردرێ، دیاره خوێندنەوەی تێر و تەسەلی کتێبێک دەست نادا و ئەو شوێنانه دەبێ ڕێگەخۆشکەرێک بن بۆ خەڵک که وێڕای ڕابواردن و تاوێک حەسانەوه، لەگەڵ کتێب یا بەرهەمێکی فەرهەنگیش ئاشنا بن و له کافه کتێبه ستانداردەکان وا باوه که کتێبەکان لەگەڵ خوێندنەوه، بۆ فرۆشیش ئامادەن و کەسێک که لەو چەند خولەکەدا و به خوێندنەوەیەکی کورت حەزی له کتێب یا بەرهەمێک دەبێ یا له گفتوگۆیەکدا کتێبێکی پێ پێشنیار دەکرێ، هەر لەوێ دەتوانێ کتێبەکه بکڕێ و بەو جۆره هەم له بواری ئابوورییەوه یارمەتییەکه بۆ کافەکتێب و هەم ئەو کەسەش وێڕای ڕابواردنی کاتی وچاندان، توانیویەتی کارێکی سوودمەندیش ئەنجام بدا. یەکێکی تر له تەوەرەکان، ئەوەیه که ئەو شوێنانه دەبێ وەک له ناوەکەیانەوه دیاره، جێیەک بن بۆ کۆبوونەوەی کۆمەڵگای فەرهەنگی، نەک تەنیا سیمای ئابووری و گشتی به خۆیان بگرن و تەنیا به ڕواڵەت و به ناو لەوانی تر جیا بنەوه. ئەوه لەسەر شانی بەرپرسانی ئەو شوێنانەیه که کەسانی تامەزرۆی فەرهەنگ و ئەدەب کۆ بکەنەوه و کارهاسانییان بۆ بکەن و پێداویستی‌گەلێکیان له بەردەست بنێن که بتوانن لەو شوێنانه کات ڕابوێرن و هاوکات خەریک به نووسین و نەخشاندن و بیرکردنەوه بن. له زۆر شوێن وەک هەرێمی کوردستانیش شوێن‌گەلێک هەن که ئەدیب و نووسەر و شاعیر و بیرمەندەکان کۆ دەبنەوه و له کەشێکی فەرهەنگیدا کاتیان ڕادەبوێرن که دەکرێ لێرەش کافه کتێبەکان ئەو ڕۆله بگێڕن. یەکێکی تر لەو ئەرکانەی له ئەستۆی ئەو شوێنانەیه و بەرچاو ناگیرێ و لانی کەم له شارەکانی کوردستان هێشتا نەدیتراوه که بەجێی بهێنن ...

وعده گاه مسئولین

روز شمار عنوان وعده
css.php