رفتن به بالا

تعداد اخبار امروز : 0 خبر


    -١٨(°C)
    Wind (mph)
    Pressure (in)
    Visibility (mi)
    UV Index -
    Humidity (in)
گاه‌شمار تاریخ خورشیدی
اردیبهشت ۱۳۹۶
ش ی د س چ پ ج
« فروردین   خرداد »
 1
2345678
9101112131415
16171819202122
23242526272829
3031  
  • Tuesday 2 May 2017 - 19:40
  • کد خبر : 4398
  • مشاهده : 350 بازدید
  • ئەدەب » س.ت
  • چاپ خبر : سییەمین پێشانگه‌ی نێودەوڵەتی کتێبی ئێران کرایەوە

سیومین پێشانگه‌ی نێودەوڵەتیی کتێبی ئێران له‌ شاری تاران ده‌ستی به‌ کار کرد.

به‌ ڕاپۆرتی بینەر، سیومین پێشانگه‌ی نێونه‌ته‌وه‌یی کتێبی ئێران له‌ شاری تاران و به‌ ئاماده‌یی وه‌زیری فه‌رهه‌نگ و ئیرشاد ده‌ستی به‌ کار کرد.

ئه‌م پێشانگایه‌ بۆ دووهه‌مین ساڵه‌ که‌ له‌ ناوه‌ندی فه‌رهه‌نگی شاری خۆره‌تاوی تاران به‌ڕێوه‌ ده‌چێت و له‌ بیانیه‌وه‌ به‌ فه‌رمی فرۆشی کتێبه‌کان له‌م پێشانگایه‌دا ده‌ست پێ ده‌کات.

ئه‌م پێشانگایه‌ به‌ دوروشمی "کتێبێکی زیاتر بخوێنینه‌وه‌" له‌ میانه‌ی ۱۰ ڕۆژی داهاتوودا به‌ڕێوه‌ ده‌چێت.

ئه‌نتۆنیۆ چێزێرۆ، وه‌زیر میراتی فه‌رهه‌نگی و گه‌شتیاری ئیتالیا به‌شداری ئه‌م ڕێوڕه‌سمه‌ی کردووه‌ و له‌م خوله‌ی پێشانگاکه‌دا ئیتالیا وه‌ک میوانی تایبه‌تی ئێران ناسراوه‌.

له‌م خوله‌ی پێشانگای کتێبی تاران زیاتر له‌ ۴۰۰ هه‌زار کتێب له‌ ۲۷۰۰ بڵاڤگه‌ی ناوخۆیی و بیانی نمایش ده‌کرێت. پێشانگاکه‌ له‌ قه‌واره‌یه‌ک به‌ بڕی ۱۳۵ هه‌زار مه‌تری چوار گۆشه‌ به‌ڕێوه‌ ده‌چێت. ئه‌مساڵ بۆ یه‌که‌مین جار ئاستی به‌شداری کتێبه‌ کوردییه‌کان له‌م پێشانگایه‌دا به‌رز بووه‌ته‌وه‌ و ئه‌مه‌ش به‌ هۆی چاپی زیاتری کتێب به‌ زمانی کوردی له‌م چه‌ند ساڵه‌ دایه‌.

هه‌روه‌ها له‌م خوله‌ی پێشانگای کتێب به‌ بڕی ۱۶.۵ ملیار ته‌مه‌ن وه‌ک یارمه‌تی کڕینی کتێب ڕاده‌ستی زانکۆییه‌کان و خوێنکاره‌کانی ئێران ده‌کرێت.

سەرچاوە: مێهر

اخبار مرتبط

نظرات

ارسال دیدگاه

یادداشت ویژه

تێبینییەک لەسەر کافه کتێبەکان؛

ئەوەی هەیه و ئەوەی پێویسته ببێ

دەمێکه دیاردەی دامەزراندنی هێندێک شوێن به ناو "کافه کتێب" له شارەکانی کوردستان پەرەی گرتووه و له زۆریێک له شارەکان شوێن‌گەلێک بەو ناوه دەکرێنەوه. دیاره هەر هەوڵێک که بەسترانەوەیەکی لەگەڵ هونەر و ئەدەب و فەرهەنگەوه هەبێ، کارێکی پیرۆزه و به تایبەت له وڵاتێکدا که دەزگا فەرمییەکان هەوڵێکی ئەوتۆ نادەن بۆ کردنەوەی شوێنی فەرهەنگی یا ئەوەی دەشکرێ دووره له بێلایەنی، هەوڵی خودی کۆمەڵگای فەرهەنگی بۆ پڕکردنەوەی بۆشاییەکان، گرینگییەکی تایبەت و کاریگەری هەیه. بەڵام دیاره هەر پێگه و شوێن و بنکەیەکی فەرهەنگی، دەبێ هێندێک بنەما و ستانداردی هەبێ تا ئەو ئامانجانەی هەیەتی یا بۆی داڕێژراوه دەستەبەر بکا. شوێنێک وەک کافه کتێبیش، ڕاسته که ئامانجی ئابووریی هەیه، بەڵام چون هەڵگری ناوی کتێبه که هێمایەکی فەرهەنگییه، دیاره لەو ئاستەدا هێندێک ئەرکی لەسەر شانه و کۆمەڵێک پێداویستی و بنەمای دەوێ بۆ بەجێهێنانی ئەو ئەرکانه. کاتی چوونەژوور لەو شوێنانه، بەرچاوترین جیاوازی لەگەڵ کافه و شوێنی دانیشتنه ئاساییەکان، بوونی هێندێک کتێبی جۆراوجۆر له سووچێکی ئەو شوێنانەیه. بەڵام ئەوەی سەرنج ڕا دەکێشێ، ئەو بابەتەیه که گۆیا ئەو کاره تەنیا بۆ لابردنی بەرپرسیارەتییه له ئەستۆ و پاساو هێنانەوەیەکه بۆ ئەوەی شوێنەکه لەگەڵ ناوەکەی بگونجێ. ئەوەش له چەند بوارەوه دەکرێ بەرەوڕووی ڕەخنه ببێتەوه که هێندێکی پەیوەسته به هەڵسوکەوتی خاوەنی شوێن و هێندیکیش جۆری کەڵک وەرگرتنی ئەو کەسانەی ڕوو دەکەنه ئەو شوێنانه. سەرەتا ئەوەی که بەپێی چەند شوێنێک که وردبینییان لەسەر کراوه، هەڵبژاردنی کتێب بەبێ هیچ سەرنجێک ئەنجام دەدرێ و تەنیا وەک لابردنی بەرپرسیارێتییه و پێ دەچێ هەرچی به دەستیان گەیشتبێ له هەر بوارێکدا کۆیان کردبێتەوه و بێ هیچ جیاکردنەوه و خشتەبەندییەک دایان نابێ. مەسەلەی تر، ئەوەیه که بەپێی ئەو ماوه کورتەی لەو شوێنانه ڕادەبردرێ، دیاره خوێندنەوەی تێر و تەسەلی کتێبێک دەست نادا و ئەو شوێنانه دەبێ ڕێگەخۆشکەرێک بن بۆ خەڵک که وێڕای ڕابواردن و تاوێک حەسانەوه، لەگەڵ کتێب یا بەرهەمێکی فەرهەنگیش ئاشنا بن و له کافه کتێبه ستانداردەکان وا باوه که کتێبەکان لەگەڵ خوێندنەوه، بۆ فرۆشیش ئامادەن و کەسێک که لەو چەند خولەکەدا و به خوێندنەوەیەکی کورت حەزی له کتێب یا بەرهەمێک دەبێ یا له گفتوگۆیەکدا کتێبێکی پێ پێشنیار دەکرێ، هەر لەوێ دەتوانێ کتێبەکه بکڕێ و بەو جۆره هەم له بواری ئابوورییەوه یارمەتییەکه بۆ کافەکتێب و هەم ئەو کەسەش وێڕای ڕابواردنی کاتی وچاندان، توانیویەتی کارێکی سوودمەندیش ئەنجام بدا. یەکێکی تر له تەوەرەکان، ئەوەیه که ئەو شوێنانه دەبێ وەک له ناوەکەیانەوه دیاره، جێیەک بن بۆ کۆبوونەوەی کۆمەڵگای فەرهەنگی، نەک تەنیا سیمای ئابووری و گشتی به خۆیان بگرن و تەنیا به ڕواڵەت و به ناو لەوانی تر جیا بنەوه. ئەوه لەسەر شانی بەرپرسانی ئەو شوێنانەیه که کەسانی تامەزرۆی فەرهەنگ و ئەدەب کۆ بکەنەوه و کارهاسانییان بۆ بکەن و پێداویستی‌گەلێکیان له بەردەست بنێن که بتوانن لەو شوێنانه کات ڕابوێرن و هاوکات خەریک به نووسین و نەخشاندن و بیرکردنەوه بن. له زۆر شوێن وەک هەرێمی کوردستانیش شوێن‌گەلێک هەن که ئەدیب و نووسەر و شاعیر و بیرمەندەکان کۆ دەبنەوه و له کەشێکی فەرهەنگیدا کاتیان ڕادەبوێرن که دەکرێ لێرەش کافه کتێبەکان ئەو ڕۆله بگێڕن. یەکێکی تر لەو ئەرکانەی له ئەستۆی ئەو شوێنانەیه و بەرچاو ناگیرێ و لانی کەم له شارەکانی کوردستان هێشتا نەدیتراوه که بەجێی بهێنن ...

وعده گاه مسئولین

روز شمار عنوان وعده
css.php
%d bloggers like this: