رفتن به بالا

تعداد اخبار امروز : 0 خبر


  • الإثنين ۲۷ ذو القعدة ۱۴۴۳
  • 2022 Monday 27 June
    -١٨(°C)
    Wind (mph)
    Pressure (in)
    Visibility (mi)
    UV Index -
    Humidity (in)
گاه‌شمار تاریخ خورشیدی
آذر ۱۳۹۵
ش ی د س چ پ ج
« آبان   دی »
 12345
6789101112
13141516171819
20212223242526
27282930  

به‌ڕێوه‌به‌ری میراتی که‌لتوری، پیشه‌ی ده‌ستی و گه‌شتیاری کوردستان وتی: گڵێم و نازوک کاری کوردستان به‌ڵگه‌نامه‌ی نه‌ته‌وه‌یان پێ به‌خشرا.

به‌ ڕاپۆرتی بینەر، سه‌ید موحسن عه‌له‌وی له‌مباره‌وه‌ وتی: به‌ڵگه‌نامه‌ی نه‌ته‌وه‌یی جوغڕافیایی، شوناسێکی ناوچه‌ییه‌ که‌ به‌و به‌رهه‌مه‌ ده‌ستیانه‌ ده‌بخشرێت که‌ سه‌ر به‌ ناوچه‌یه‌کی تایبه‌تن.

ئه‌و زیادی کرد: ئه‌م به‌ڵگه‌نامه‌یه‌ ته‌نیا به‌و پیشه‌ ده‌ستیانه‌ ده‌بخشرێت که‌ له‌ شوێنێکی تایبه‌تدا دروست ده‌کرێن و له‌ شوێنه‌کانی دیکه‌ی ئێران یان جیهان به‌ دی ناکرێت.  ئێمه‌ هه‌وڵێکی زۆرمان داوه‌ تاکوو ئه‌م به‌ڵگه‌نامه‌یه‌ بۆ زۆربه‌ی کاره‌ پیشه‌ ده‌ستییه‌کانی کوردستان وه‌ربگرین، تاکوو ئێسته‌ گڵێمی کوردی و نازۆک کاری کوردی توانیانه‌ ئه‌م به‌ڵگه‌نامه‌یه‌ وه‌ربگرن و تایبه‌ت بوونی خۆیان پشت ڕاست بکه‌نه‌وه‌. 

ئه‌و هه‌روه‌ها جه‌ختی کرد: ئێمه‌ له‌ هه‌نگاوه‌کانی دیکه‌ی خۆمان هه‌وڵ ده‌ده‌ین تاکوو ئه‌م دوو هونه‌ره‌ کوردییه‌ له‌ ئاستی نێونه‌ته‌وه‌یشدا به‌ڵگه‌نامه‌یان بۆ وه‌ربگرین. 

به‌ڕێوه‌به‌ری میراتی که‌لتوری، پیشه‌ی ده‌ستی و گه‌شتیاری پارێزگای کوردستان وتی: ئه‌م به‌ڵگانامانه‌ گرنگی تایبه‌ت به‌ خۆیان هه‌یه‌ و ده‌بێته‌ هۆی ئه‌وه‌ی که‌ له‌ داهاتوودا میراتی مه‌عنه‌وی ئه‌م هونه‌رانه‌ بۆ کورد نه‌فه‌وتێت و هه‌روه‌ها ده‌توانین به‌م پێیه‌ سه‌رمایه‌دانه‌ری تایبه‌ت و باشیان له‌ سه‌ر ئه‌نجام بده‌ین.

شایانی باسه‌ که‌ نازۆک کاری به‌و پیشه‌ ده‌ستییه‌ ده‌وترێت که‌ به‌ بڕینی دار به‌ مشاری زۆر ورد کاری هونه‌ری و ده‌ستی زۆر جوانی لێ دروست ده‌کرێت، ئه‌م هونه‌ره‌ له‌ کوردستانی ئێران به‌ تایبه‌ت شاری سنه‌ بڕه‌وی زۆر باشی هه‌یه‌.

هه‌روه‌ها گڵێمی کوردی یه‌کێکه‌ له‌ گرنگ ترین ده‌ست کرده‌کانی کورده‌واری و به‌ تایبه‌ت له‌ شاره‌کانی سنه‌ و بیجاڕ گڵێمی کوردی ڕه‌ونه‌قی زۆر باشی هه‌یه‌ و تاکوو ئێسته‌ش به‌ ڕه‌نگی سروشتی په‌شم و ڕێسه‌کانی ڕه‌نگ ده‌کرێت و هه‌ر به‌م بۆنه‌شه‌وه‌ ئه‌م جۆره‌ گڵێمه‌ له‌ ئاستی ئێران و جیهاندا کڕیاری زۆر باشی هه‌یه‌.

سەرچاوە: ئاژانسی مێهر

اخبار مرتبط

نظرات

یادداشت ویژه

تێبینییەک لەسەر کافه کتێبەکان؛

ئەوەی هەیه و ئەوەی پێویسته ببێ

دەمێکه دیاردەی دامەزراندنی هێندێک شوێن به ناو "کافه کتێب" له شارەکانی کوردستان پەرەی گرتووه و له زۆریێک له شارەکان شوێن‌گەلێک بەو ناوه دەکرێنەوه. دیاره هەر هەوڵێک که بەسترانەوەیەکی لەگەڵ هونەر و ئەدەب و فەرهەنگەوه هەبێ، کارێکی پیرۆزه و به تایبەت له وڵاتێکدا که دەزگا فەرمییەکان هەوڵێکی ئەوتۆ نادەن بۆ کردنەوەی شوێنی فەرهەنگی یا ئەوەی دەشکرێ دووره له بێلایەنی، هەوڵی خودی کۆمەڵگای فەرهەنگی بۆ پڕکردنەوەی بۆشاییەکان، گرینگییەکی تایبەت و کاریگەری هەیه. بەڵام دیاره هەر پێگه و شوێن و بنکەیەکی فەرهەنگی، دەبێ هێندێک بنەما و ستانداردی هەبێ تا ئەو ئامانجانەی هەیەتی یا بۆی داڕێژراوه دەستەبەر بکا. شوێنێک وەک کافه کتێبیش، ڕاسته که ئامانجی ئابووریی هەیه، بەڵام چون هەڵگری ناوی کتێبه که هێمایەکی فەرهەنگییه، دیاره لەو ئاستەدا هێندێک ئەرکی لەسەر شانه و کۆمەڵێک پێداویستی و بنەمای دەوێ بۆ بەجێهێنانی ئەو ئەرکانه. کاتی چوونەژوور لەو شوێنانه، بەرچاوترین جیاوازی لەگەڵ کافه و شوێنی دانیشتنه ئاساییەکان، بوونی هێندێک کتێبی جۆراوجۆر له سووچێکی ئەو شوێنانەیه. بەڵام ئەوەی سەرنج ڕا دەکێشێ، ئەو بابەتەیه که گۆیا ئەو کاره تەنیا بۆ لابردنی بەرپرسیارەتییه له ئەستۆ و پاساو هێنانەوەیەکه بۆ ئەوەی شوێنەکه لەگەڵ ناوەکەی بگونجێ. ئەوەش له چەند بوارەوه دەکرێ بەرەوڕووی ڕەخنه ببێتەوه که هێندێکی پەیوەسته به هەڵسوکەوتی خاوەنی شوێن و هێندیکیش جۆری کەڵک وەرگرتنی ئەو کەسانەی ڕوو دەکەنه ئەو شوێنانه. سەرەتا ئەوەی که بەپێی چەند شوێنێک که وردبینییان لەسەر کراوه، هەڵبژاردنی کتێب بەبێ هیچ سەرنجێک ئەنجام دەدرێ و تەنیا وەک لابردنی بەرپرسیارێتییه و پێ دەچێ هەرچی به دەستیان گەیشتبێ له هەر بوارێکدا کۆیان کردبێتەوه و بێ هیچ جیاکردنەوه و خشتەبەندییەک دایان نابێ. مەسەلەی تر، ئەوەیه که بەپێی ئەو ماوه کورتەی لەو شوێنانه ڕادەبردرێ، دیاره خوێندنەوەی تێر و تەسەلی کتێبێک دەست نادا و ئەو شوێنانه دەبێ ڕێگەخۆشکەرێک بن بۆ خەڵک که وێڕای ڕابواردن و تاوێک حەسانەوه، لەگەڵ کتێب یا بەرهەمێکی فەرهەنگیش ئاشنا بن و له کافه کتێبه ستانداردەکان وا باوه که کتێبەکان لەگەڵ خوێندنەوه، بۆ فرۆشیش ئامادەن و کەسێک که لەو چەند خولەکەدا و به خوێندنەوەیەکی کورت حەزی له کتێب یا بەرهەمێک دەبێ یا له گفتوگۆیەکدا کتێبێکی پێ پێشنیار دەکرێ، هەر لەوێ دەتوانێ کتێبەکه بکڕێ و بەو جۆره هەم له بواری ئابوورییەوه یارمەتییەکه بۆ کافەکتێب و هەم ئەو کەسەش وێڕای ڕابواردنی کاتی وچاندان، توانیویەتی کارێکی سوودمەندیش ئەنجام بدا. یەکێکی تر له تەوەرەکان، ئەوەیه که ئەو شوێنانه دەبێ وەک له ناوەکەیانەوه دیاره، جێیەک بن بۆ کۆبوونەوەی کۆمەڵگای فەرهەنگی، نەک تەنیا سیمای ئابووری و گشتی به خۆیان بگرن و تەنیا به ڕواڵەت و به ناو لەوانی تر جیا بنەوه. ئەوه لەسەر شانی بەرپرسانی ئەو شوێنانەیه که کەسانی تامەزرۆی فەرهەنگ و ئەدەب کۆ بکەنەوه و کارهاسانییان بۆ بکەن و پێداویستی‌گەلێکیان له بەردەست بنێن که بتوانن لەو شوێنانه کات ڕابوێرن و هاوکات خەریک به نووسین و نەخشاندن و بیرکردنەوه بن. له زۆر شوێن وەک هەرێمی کوردستانیش شوێن‌گەلێک هەن که ئەدیب و نووسەر و شاعیر و بیرمەندەکان کۆ دەبنەوه و له کەشێکی فەرهەنگیدا کاتیان ڕادەبوێرن که دەکرێ لێرەش کافه کتێبەکان ئەو ڕۆله بگێڕن. یەکێکی تر لەو ئەرکانەی له ئەستۆی ئەو شوێنانەیه و بەرچاو ناگیرێ و لانی کەم له شارەکانی کوردستان هێشتا نەدیتراوه که بەجێی بهێنن ...

وعده گاه مسئولین

روز شمار عنوان وعده
css.php