رفتن به بالا

تعداد اخبار امروز : 0 خبر


  • الثلاثاء ۹ ذو الحجة ۱۴۳۹
  • 2018 Tuesday 21 August
    Mahabad Fair
    ٣١(°C)
    Wind ٧(mph)
    Pressure ٢۵.۴٣(in)
    Visibility ۶.٠(mi)
    UV Index 0-Low
    Humidity ٢۵.۴٣(in)
گاه‌شمار تاریخ خورشیدی
مرداد ۱۳۹۷
ش ی د س چ پ ج
« تیر    
 12345
6789101112
13141516171819
20212223242526
2728293031  
  • پنج شنبه ۲۸ دی ۱۳۹۶ - ۱۲:۰۲
  • کد خبر : 6296
  • مشاهده : 131 بازدید
  • ئەدەب » تیتر » س.ت
  • چاپ خبر : بەڕێوەچوونی دانیشتنێک لەگەڵ مامۆستا محەمەد عەلی قەرەداغی لە زانکۆی کوردستان

دانیشتنێکی گەرم و گوڕی مامۆستایان، خوێندکاران، سەرۆکایەتیی زانکۆی کوردستان و هەندێک لە ئەندامانی بنەماڵەی گەورەی زمان و چاندی کوردیی دانیشتووی سنە لەگەڵ مامۆستا محەمەد عەلی قەرەداغی لە زانکۆی کوردستان لە سنە بەڕێوەچوو


مامۆستا محەمەد عەلی قەرەداغی لە حەفتەی ڕابردوودا بۆ وەرگرتنی خەڵاتی بەشی نێونەتەوەییی فێستیڤاڵی فارابی ڕوونیای تاران بوو و پاش وەرگرتنی خەڵاتەکە و لە کاتی گەڕانەوەدا، دانیشتنێکی لە زانکۆی کوردستان لەگەڵ مامۆستایان و لێژنەی سەرۆکایەتیی ئەو زانکۆیە، فەرمانداری سنە، هەندێک لە چالاکڤانانی بواری زمان و چاندی کوردیی دانیشتووی سنە و هەروەها چەند خوێندکارێکی بەشی زمان و وێژەی کوردیی زانکۆی ناوبراو، لە ڕۆژی چوارشەمە، ۲۷ی بەفرانباری ۱۳۹۶ی هەتاویدا هەبوو. لەم دانیشتنەدا کە لە لایەن توێژینگەی کوردستان‌ناسی‌یەوە بەڕێوەچوو، سەرەتا لە لایەن سەرۆکی توێژینگەوە، بەڕێز د. ئومید قادرزادە بەخێرهاتنی مامۆستا قەرەداغی کرا و هەروەها پوختەی چەند گەڵاڵەیەکی فەرهەنگیی بەئەنجام‌گەیشتوو لەلایەن توێژینگەی کوردستان‌ناسییەوە بە مەبەستی ئاشنابوونی مامۆستا قەرەداغی و ئامادەبووان لەگەڵ کار و چالاکییەکانی توێژینگەی نێوبراو، پێشکەش‌کرا. پاشان، لە لایەن د. نەوید نەقشبەندی (سەرۆکی بەشی مێژوو و فەرهەنگی کوردستان له توێژینگە)، د. بەختیار سەجادی (سەرۆکی بەشی کوردیی زانکۆ)، مامۆستا حەیرەت سەجادی، د. ئەسعەد ئەردەڵان، د. مێهدی حسەینی (سەرۆکی پەرتووکخانەکانی زانکۆ)، د. ئەحمەدی (سەرۆکی پەرتووکخانە گشتییەکانی سنە)، مامۆستا جەماڵ ئەحمەدی‌ئایین، د. فەرزاد حاجی میرزایی، د. فەردین ئەخلاقیان (سەرۆکی زانکۆ)، د. رەحمەت سادقی (سەرۆکی رێکخراوەی هەڵکەوتووانی پارێزگای کوردستان)، د. حەسەن سەرباز، د. سلێمانی (بەرپرسی فەرهەنگیی زانکۆ)، د. چەمەن‌ئارا و بەڕێز ڕەئوف ڕەهنموون، بەخێرهاتنی گەرمی مامۆستا کرا و چەند پرسیارێکیان ئاراستەی مامۆستا کرد.

مامۆستا قەرەداغی لەم کۆڕەدا لەسەر چۆنیەتی کار و چالاکییەکانی خۆی پەیڤێکی پێشکەش‌کرد و چەند بیرەوەرییەکی سەرنجڕاکێشی بۆ ئامادەبووان گێڕاوە و هەروەها جەختی لەسەر گرنگیدان بە کەشکۆڵ و دەستنووسە کوردییەکان کرد. بەڕێزیان ئاماژەی بۆ ئەوە کرد کە لە زۆربەی هەرە زۆری پەرتووکخانەکانی دنیادا دەستنووسی کوردی بوونی هەیە و بەداخەوە زۆربەی پسپۆڕانی بواری زمان و چاندی کوردی لەو ڕاستییە ئاگایان نییە. هەروەهاش باسی ئەو دەستنووسانەی کرد کە لە لایەن هەندێ تاک و بنەماڵەوە پارێزراون و جەختی لەسەر ئەوە کردەوە کە ئەبێ ئەم دەستنووسانە پێشکەشی پسپۆڕانی بواری ساغ‌کردنەوەی دەستنووسە کۆنەکان بکرێت. مامۆستا هاردێکی خۆی کە هەڵگری هەندێ دەستنووسی بەنرخی کوردییە، پێشکەشی توێژینگەی کوردستانناسیی کرد. لە کۆتاییدا، لەلایەن توێژینگەی کوردستان‌ناسییەوە تابلۆشیعرێک و چەند بەرگ پەرتووکی لەچاپدراوی ئەو توێژینگەیە وەکوو دیاری و پێزانین، پێشکەشی مامۆستا قەرەداغی کرا. مامۆستا لە کۆتایی دانیشتنەکەدا لە دەرەوی هۆڵی دانیشتندا لەگەڵ مامۆستایان و خوێندکاران کۆبووەوە و بەم چەشنە هەڤپەیڤینی بەڕێزیان و توێژەران و خوێندکاران تا درەنگانێ بەردەوام بوو.

 

 ئێحسان میرەکی، خوێندکاری بەشی کوردیی زانکۆی کوردستان/ ۲۷ی بەفرانباری ۹۶ی هەتاوی

 

 

اخبار مرتبط

نظرات

یادداشت ویژه

تێبینییەک لەسەر کافه کتێبەکان؛

ئەوەی هەیه و ئەوەی پێویسته ببێ

  دەمێکه دیاردەی دامەزراندنی هێندێک شوێن به ناو "کافه کتێب" له شارەکانی کوردستان پەرەی گرتووه و له زۆریێک له شارەکان شوێن‌گەلێک بەو ناوه دەکرێنەوه. دیاره هەر هەوڵێک که بەسترانەوەیەکی لەگەڵ هونەر و ئەدەب و فەرهەنگەوه هەبێ، کارێکی پیرۆزه و به تایبەت له وڵاتێکدا که دەزگا فەرمییەکان هەوڵێکی ئەوتۆ نادەن بۆ کردنەوەی شوێنی فەرهەنگی یا ئەوەی دەشکرێ دووره له بێلایەنی، هەوڵی خودی کۆمەڵگای فەرهەنگی بۆ پڕکردنەوەی بۆشاییەکان، گرینگییەکی تایبەت و کاریگەری هەیه. بەڵام دیاره هەر پێگه و شوێن و بنکەیەکی فەرهەنگی، دەبێ هێندێک بنەما و ستانداردی هەبێ تا ئەو ئامانجانەی هەیەتی یا بۆی داڕێژراوه دەستەبەر بکا. شوێنێک وەک کافه کتێبیش، ڕاسته که ئامانجی ئابووریی هەیه، بەڵام چون هەڵگری ناوی کتێبه که هێمایەکی فەرهەنگییه، دیاره لەو ئاستەدا هێندێک ئەرکی لەسەر شانه و کۆمەڵێک پێداویستی و بنەمای دەوێ بۆ بەجێهێنانی ئەو ئەرکانه. کاتی چوونەژوور لەو شوێنانه، بەرچاوترین جیاوازی لەگەڵ کافه و شوێنی دانیشتنه ئاساییەکان، بوونی هێندێک کتێبی جۆراوجۆر له سووچێکی ئەو شوێنانەیه. بەڵام ئەوەی سەرنج ڕا دەکێشێ، ئەو بابەتەیه که گۆیا ئەو کاره تەنیا بۆ لابردنی بەرپرسیارەتییه له ئەستۆ و پاساو هێنانەوەیەکه بۆ ئەوەی شوێنەکه لەگەڵ ناوەکەی بگونجێ. ئەوەش له چەند بوارەوه دەکرێ بەرەوڕووی ڕەخنه ببێتەوه که هێندێکی پەیوەسته به هەڵسوکەوتی خاوەنی شوێن و هێندیکیش جۆری کەڵک وەرگرتنی ئەو کەسانەی ڕوو دەکەنه ئەو شوێنانه. سەرەتا ئەوەی که بەپێی چەند شوێنێک که وردبینییان لەسەر کراوه، هەڵبژاردنی کتێب بەبێ هیچ سەرنجێک ئەنجام دەدرێ و تەنیا وەک لابردنی بەرپرسیارێتییه و پێ دەچێ هەرچی به دەستیان گەیشتبێ له هەر بوارێکدا کۆیان کردبێتەوه و بێ هیچ جیاکردنەوه و خشتەبەندییەک دایان نابێ. مەسەلەی تر، ئەوەیه که بەپێی ئەو ماوه کورتەی لەو شوێنانه ڕادەبردرێ، دیاره خوێندنەوەی تێر و تەسەلی کتێبێک دەست نادا و ئەو شوێنانه دەبێ ڕێگەخۆشکەرێک بن بۆ خەڵک که وێڕای ڕابواردن و تاوێک حەسانەوه، لەگەڵ کتێب یا بەرهەمێکی فەرهەنگیش ئاشنا بن و له کافه کتێبه ستانداردەکان وا باوه که کتێبەکان لەگەڵ خوێندنەوه، بۆ فرۆشیش ئامادەن و کەسێک که لەو چەند خولەکەدا و به خوێندنەوەیەکی کورت حەزی له کتێب یا بەرهەمێک دەبێ یا له گفتوگۆیەکدا کتێبێکی پێ پێشنیار دەکرێ، هەر لەوێ دەتوانێ کتێبەکه بکڕێ و بەو جۆره هەم له بواری ئابوورییەوه یارمەتییەکه بۆ کافەکتێب و هەم ئەو کەسەش وێڕای ڕابواردنی کاتی وچاندان، توانیویەتی کارێکی سوودمەندیش ئەنجام بدا. یەکێکی تر له تەوەرەکان، ئەوەیه که ئەو شوێنانه دەبێ وەک له ناوەکەیانەوه دیاره، جێیەک بن بۆ کۆبوونەوەی کۆمەڵگای فەرهەنگی، نەک تەنیا سیمای ئابووری و گشتی به خۆیان بگرن و تەنیا به ڕواڵەت و به ناو لەوانی تر جیا بنەوه. ئەوه لەسەر شانی بەرپرسانی ئەو شوێنانەیه که کەسانی تامەزرۆی فەرهەنگ و ئەدەب کۆ بکەنەوه و کارهاسانییان بۆ بکەن و پێداویستی‌گەلێکیان له بەردەست بنێن که بتوانن لەو شوێنانه کات ڕابوێرن و هاوکات خەریک به نووسین و نەخشاندن و بیرکردنەوه بن. له زۆر شوێن وەک هەرێمی کوردستانیش شوێن‌گەلێک هەن که ئەدیب و نووسەر و شاعیر و بیرمەندەکان کۆ دەبنەوه و له کەشێکی فەرهەنگیدا کاتیان ڕادەبوێرن که دەکرێ لێرەش کافه کتێبەکان ئەو ڕۆله بگێڕن. یەکێکی تر لەو ئەرکانەی له ئەستۆی ئەو شوێنانەیه و بەرچاو ناگیرێ و لانی کەم له شارەکانی کوردستان هێشتا نەدیتراوه که بەجێی بهێنن ...

وعده گاه مسئولین

روز شمار عنوان وعده
css.php