رفتن به بالا

تعداد اخبار امروز : 0 خبر


    Mahabad Partly Cloudy
    ٢٢(°C)
    Wind Calm
    Pressure ٢۵.۵۶(in)
    Visibility ٩.٠(mi)
    UV Index 3-Moderate
    Humidity ٢۵.۵۶(in)
گاه‌شمار تاریخ خورشیدی
اردیبهشت ۱۳۹۷
ش ی د س چ پ ج
« فروردین    
1234567
891011121314
15161718192021
22232425262728
293031  
  • دوشنبه ۴ دی ۱۳۹۶ - ۱۰:۴۶
  • کد خبر : 6242
  • مشاهده : 88 بازدید
  • ئەدەب » تیتر » س.ت
  • چاپ خبر : ئێوارەکۆڕێکی پائیزی بۆ شاعیری نوێخواز جەمیل مورادی

کافە کلاسیک مەریوان، سەر لە ئێوارەی چوارشەممە ۲۹ی سەرماوەز  کاژێر ۵ ی ئێوارە، کۆڕێکی شیعری بۆ شاعیری هاوچەرخ " جەمیل مورادی"  بەڕێوەبرد. لەم ئێوارە کۆڕەدا کە هەندێک لە شاعیران و نووسەران   و هۆگرانی شیعری نوێ بە ڕێژەیەکی بەرچاو بەشداری کۆڕەکە بوون، "حەمەی کەریمی "وەک دەسپێکەری کۆڕ، دربارەی وەزعیەتی شیعری هاوچەرخ و ئەزموونە شیعرییەکانی شاعیر " […]

کافە کلاسیک مەریوان، سەر لە ئێوارەی چوارشەممە ۲۹ی سەرماوەز  کاژێر ۵ ی ئێوارە، کۆڕێکی شیعری بۆ شاعیری هاوچەرخ " جەمیل مورادی"  بەڕێوەبرد. لەم ئێوارە کۆڕەدا کە هەندێک لە شاعیران و نووسەران   و هۆگرانی شیعری نوێ بە ڕێژەیەکی بەرچاو بەشداری کۆڕەکە بوون، "حەمەی کەریمی "وەک دەسپێکەری کۆڕ، دربارەی وەزعیەتی شیعری هاوچەرخ و ئەزموونە شیعرییەکانی شاعیر " جەمیل مورادی"  بە خوێندنەوەی شیعری " موناجات"  و براورد و بەکارهێنانی  ئەو چەمکە ئایینە لە دەقی کلاسیک و هاوچەرخدا کە یەکێک لە  ئەزموون و شیعر تازەکانی شاعیربوو ، هەندێ قسە و باسی ئاراستەی بەشداربووان کرد، دواتر " جەمیل مورادی"  بە خوێندنەوەی چوار شیعری تازەی لە نیو کاژێردا چێژێکی تایبەتی بەخشی بە دانیشتوان و پاشان "  موحەمەد موەفەقی" شاعیر و ڕەخنەگر" " کورتە باسێکی ئەدەبی دەربارەی شیعری " موناجات"  پێشکەش کرد " موەفەقی " باسی ئەوەی کرد کە شیعری موناجات لە واقێعدا تێکستێکی دژە موناجاتە و شاعیر ساختارشکەنی کردوە لە چەمک و بەها و  هێما ئایینیەکەیدا   هاوکات " بێهزاد کوردستانی"  شاعیر،   سەبارەت بە شیعرەکانی " جەمیل مورادی"  هەندێ لێدوانیدا، دواتریش کەمتر لە نیو کاژێر لە لایەن بەشداربووانی کۆڕەکەوە هەندێ پرس و لێدوانیتر سەبارەت بە شیعری" موناجات" ئاراستە کرا،  لە کۆتاییدا " جەمیل مورادی"  سپاسی بەشدابووانی کۆڕەکە و ستافی بەڕێوەبەری " کافە کلاسیک"  مەریوان کرد

اخبار مرتبط

نظرات

یادداشت ویژه

تێبینییەک لەسەر کافه کتێبەکان؛

ئەوەی هەیه و ئەوەی پێویسته ببێ

  دەمێکه دیاردەی دامەزراندنی هێندێک شوێن به ناو "کافه کتێب" له شارەکانی کوردستان پەرەی گرتووه و له زۆریێک له شارەکان شوێن‌گەلێک بەو ناوه دەکرێنەوه. دیاره هەر هەوڵێک که بەسترانەوەیەکی لەگەڵ هونەر و ئەدەب و فەرهەنگەوه هەبێ، کارێکی پیرۆزه و به تایبەت له وڵاتێکدا که دەزگا فەرمییەکان هەوڵێکی ئەوتۆ نادەن بۆ کردنەوەی شوێنی فەرهەنگی یا ئەوەی دەشکرێ دووره له بێلایەنی، هەوڵی خودی کۆمەڵگای فەرهەنگی بۆ پڕکردنەوەی بۆشاییەکان، گرینگییەکی تایبەت و کاریگەری هەیه. بەڵام دیاره هەر پێگه و شوێن و بنکەیەکی فەرهەنگی، دەبێ هێندێک بنەما و ستانداردی هەبێ تا ئەو ئامانجانەی هەیەتی یا بۆی داڕێژراوه دەستەبەر بکا. شوێنێک وەک کافه کتێبیش، ڕاسته که ئامانجی ئابووریی هەیه، بەڵام چون هەڵگری ناوی کتێبه که هێمایەکی فەرهەنگییه، دیاره لەو ئاستەدا هێندێک ئەرکی لەسەر شانه و کۆمەڵێک پێداویستی و بنەمای دەوێ بۆ بەجێهێنانی ئەو ئەرکانه. کاتی چوونەژوور لەو شوێنانه، بەرچاوترین جیاوازی لەگەڵ کافه و شوێنی دانیشتنه ئاساییەکان، بوونی هێندێک کتێبی جۆراوجۆر له سووچێکی ئەو شوێنانەیه. بەڵام ئەوەی سەرنج ڕا دەکێشێ، ئەو بابەتەیه که گۆیا ئەو کاره تەنیا بۆ لابردنی بەرپرسیارەتییه له ئەستۆ و پاساو هێنانەوەیەکه بۆ ئەوەی شوێنەکه لەگەڵ ناوەکەی بگونجێ. ئەوەش له چەند بوارەوه دەکرێ بەرەوڕووی ڕەخنه ببێتەوه که هێندێکی پەیوەسته به هەڵسوکەوتی خاوەنی شوێن و هێندیکیش جۆری کەڵک وەرگرتنی ئەو کەسانەی ڕوو دەکەنه ئەو شوێنانه. سەرەتا ئەوەی که بەپێی چەند شوێنێک که وردبینییان لەسەر کراوه، هەڵبژاردنی کتێب بەبێ هیچ سەرنجێک ئەنجام دەدرێ و تەنیا وەک لابردنی بەرپرسیارێتییه و پێ دەچێ هەرچی به دەستیان گەیشتبێ له هەر بوارێکدا کۆیان کردبێتەوه و بێ هیچ جیاکردنەوه و خشتەبەندییەک دایان نابێ. مەسەلەی تر، ئەوەیه که بەپێی ئەو ماوه کورتەی لەو شوێنانه ڕادەبردرێ، دیاره خوێندنەوەی تێر و تەسەلی کتێبێک دەست نادا و ئەو شوێنانه دەبێ ڕێگەخۆشکەرێک بن بۆ خەڵک که وێڕای ڕابواردن و تاوێک حەسانەوه، لەگەڵ کتێب یا بەرهەمێکی فەرهەنگیش ئاشنا بن و له کافه کتێبه ستانداردەکان وا باوه که کتێبەکان لەگەڵ خوێندنەوه، بۆ فرۆشیش ئامادەن و کەسێک که لەو چەند خولەکەدا و به خوێندنەوەیەکی کورت حەزی له کتێب یا بەرهەمێک دەبێ یا له گفتوگۆیەکدا کتێبێکی پێ پێشنیار دەکرێ، هەر لەوێ دەتوانێ کتێبەکه بکڕێ و بەو جۆره هەم له بواری ئابوورییەوه یارمەتییەکه بۆ کافەکتێب و هەم ئەو کەسەش وێڕای ڕابواردنی کاتی وچاندان، توانیویەتی کارێکی سوودمەندیش ئەنجام بدا. یەکێکی تر له تەوەرەکان، ئەوەیه که ئەو شوێنانه دەبێ وەک له ناوەکەیانەوه دیاره، جێیەک بن بۆ کۆبوونەوەی کۆمەڵگای فەرهەنگی، نەک تەنیا سیمای ئابووری و گشتی به خۆیان بگرن و تەنیا به ڕواڵەت و به ناو لەوانی تر جیا بنەوه. ئەوه لەسەر شانی بەرپرسانی ئەو شوێنانەیه که کەسانی تامەزرۆی فەرهەنگ و ئەدەب کۆ بکەنەوه و کارهاسانییان بۆ بکەن و پێداویستی‌گەلێکیان له بەردەست بنێن که بتوانن لەو شوێنانه کات ڕابوێرن و هاوکات خەریک به نووسین و نەخشاندن و بیرکردنەوه بن. له زۆر شوێن وەک هەرێمی کوردستانیش شوێن‌گەلێک هەن که ئەدیب و نووسەر و شاعیر و بیرمەندەکان کۆ دەبنەوه و له کەشێکی فەرهەنگیدا کاتیان ڕادەبوێرن که دەکرێ لێرەش کافه کتێبەکان ئەو ڕۆله بگێڕن. یەکێکی تر لەو ئەرکانەی له ئەستۆی ئەو شوێنانەیه و بەرچاو ناگیرێ و لانی کەم له شارەکانی کوردستان هێشتا نەدیتراوه که بەجێی بهێنن ...

وعده گاه مسئولین

روز شمار عنوان وعده
css.php