رفتن به بالا

تعداد اخبار امروز : 0 خبر


    Mahabad Partly Cloudy
    ٢٢(°C)
    Wind Calm
    Pressure ٢۵.۵۶(in)
    Visibility ٩.٠(mi)
    UV Index 3-Moderate
    Humidity ٢۵.۵۶(in)
گاه‌شمار تاریخ خورشیدی
اردیبهشت ۱۳۹۷
ش ی د س چ پ ج
« فروردین    
1234567
891011121314
15161718192021
22232425262728
293031  
  • جمعه ۲۴ آذر ۱۳۹۶ - ۰۲:۲۰
  • کد خبر : 6212
  • مشاهده : 114 بازدید
  • ئەدەب » تیتر » س.ت
  • چاپ خبر : ” ئێوارە کۆڕێکی پاییزی بۆ  کەماڵ شەنگالی

” ئێوارە کۆڕێکی پاییزی بۆ شاعیر و ڕەخنەگری کورد کەماڵ شەنگالی لە مەریوان پێک هات.

بە پێی ڕاپۆڕتی بینەر، "کافە کلاسیک مەریوان" لە درێژەی زنجیرە کۆڕەکە ئەدەبیەکانیدا سەر لە ئێوارەی ئەمڕۆ چوارشەممە ۲۲ ی سەرماوەز کاتژمێر ۴ و نیوی ئێوارە کۆڕێکی شیعر خوێندنەوەی بۆ شاعیر و نووسەری نوێخوازی هاوچەرخ  " کەماڵ ئەمینی" ( شەنگالی) ساز کرد. کۆڕەکە بە بەشداری شاعیران و نووسەرانی مەریوان و هۆگرانی شیعر و ئەدەب بە ڕێژەیەکی بەرچاو، بە کۆڕگێڕی  نووسەر و شاعیر ، " حەمەی کەریمی" دەستی پێکرد، سەرەتا  کۆڕگێڕ کورتە باسێکی  گشتی دەربارەی [ شیعر و ئەدەبیات و کاربردی زمانی شیعر لە گێڕانەوەی کارەساتدا  بە  ئاوڕدانەوە و ئیرجاع به شیعرەکانی ”  چارەکێ بۆنسیان”  کاری تازە چاپکراوی شاعیر. پێشکەش کرد.  دواتر لە لایەن شاعیرەوە چەند شیعر لە هەردوو کتێبی تازە چاپکراوی” چارەکێ بۆ نسیان و ئەسپایی کەوتن”  [ وەرزی نیلوفەر، وەرزی کەوتن بە پێوەری با، خەمۆک بە جاڕی زماندا گوم] ئەو شیعرانە بوون کە شاعیری نوێخواز " کەماڵ شەنگالی"  لە نیو کاژێردا بە خوێندەوەیان چێژێکی تایبەتی بەخشی بە بەشداربووانی  کۆڕ، دوابەدوای خوێندنەوەی شیعرەکان،  لە لایەن نووسەری گەنج  " هێمن ڕەحیمی"  وتارێکی کورت سەبارەت بە کتێبی " چارەکێ بۆ نسیان" کاری نوێی شاعیر خوێندرایەوە، دەرئەنجام کۆڕەکە بە دەسخۆشی و سپاسی فراوانی  شاعیر " کەماڵ شەنگالی"  لە هەردوو  شاعیر و بەڕێوەبەری کافە کلاسیک، " بێهزاد کوردستانی و دانا مەنووچەهری"    کاژێر ۶ ئێوارە کۆتایی پێهات

اخبار مرتبط

نظرات

یادداشت ویژه

تێبینییەک لەسەر کافه کتێبەکان؛

ئەوەی هەیه و ئەوەی پێویسته ببێ

  دەمێکه دیاردەی دامەزراندنی هێندێک شوێن به ناو "کافه کتێب" له شارەکانی کوردستان پەرەی گرتووه و له زۆریێک له شارەکان شوێن‌گەلێک بەو ناوه دەکرێنەوه. دیاره هەر هەوڵێک که بەسترانەوەیەکی لەگەڵ هونەر و ئەدەب و فەرهەنگەوه هەبێ، کارێکی پیرۆزه و به تایبەت له وڵاتێکدا که دەزگا فەرمییەکان هەوڵێکی ئەوتۆ نادەن بۆ کردنەوەی شوێنی فەرهەنگی یا ئەوەی دەشکرێ دووره له بێلایەنی، هەوڵی خودی کۆمەڵگای فەرهەنگی بۆ پڕکردنەوەی بۆشاییەکان، گرینگییەکی تایبەت و کاریگەری هەیه. بەڵام دیاره هەر پێگه و شوێن و بنکەیەکی فەرهەنگی، دەبێ هێندێک بنەما و ستانداردی هەبێ تا ئەو ئامانجانەی هەیەتی یا بۆی داڕێژراوه دەستەبەر بکا. شوێنێک وەک کافه کتێبیش، ڕاسته که ئامانجی ئابووریی هەیه، بەڵام چون هەڵگری ناوی کتێبه که هێمایەکی فەرهەنگییه، دیاره لەو ئاستەدا هێندێک ئەرکی لەسەر شانه و کۆمەڵێک پێداویستی و بنەمای دەوێ بۆ بەجێهێنانی ئەو ئەرکانه. کاتی چوونەژوور لەو شوێنانه، بەرچاوترین جیاوازی لەگەڵ کافه و شوێنی دانیشتنه ئاساییەکان، بوونی هێندێک کتێبی جۆراوجۆر له سووچێکی ئەو شوێنانەیه. بەڵام ئەوەی سەرنج ڕا دەکێشێ، ئەو بابەتەیه که گۆیا ئەو کاره تەنیا بۆ لابردنی بەرپرسیارەتییه له ئەستۆ و پاساو هێنانەوەیەکه بۆ ئەوەی شوێنەکه لەگەڵ ناوەکەی بگونجێ. ئەوەش له چەند بوارەوه دەکرێ بەرەوڕووی ڕەخنه ببێتەوه که هێندێکی پەیوەسته به هەڵسوکەوتی خاوەنی شوێن و هێندیکیش جۆری کەڵک وەرگرتنی ئەو کەسانەی ڕوو دەکەنه ئەو شوێنانه. سەرەتا ئەوەی که بەپێی چەند شوێنێک که وردبینییان لەسەر کراوه، هەڵبژاردنی کتێب بەبێ هیچ سەرنجێک ئەنجام دەدرێ و تەنیا وەک لابردنی بەرپرسیارێتییه و پێ دەچێ هەرچی به دەستیان گەیشتبێ له هەر بوارێکدا کۆیان کردبێتەوه و بێ هیچ جیاکردنەوه و خشتەبەندییەک دایان نابێ. مەسەلەی تر، ئەوەیه که بەپێی ئەو ماوه کورتەی لەو شوێنانه ڕادەبردرێ، دیاره خوێندنەوەی تێر و تەسەلی کتێبێک دەست نادا و ئەو شوێنانه دەبێ ڕێگەخۆشکەرێک بن بۆ خەڵک که وێڕای ڕابواردن و تاوێک حەسانەوه، لەگەڵ کتێب یا بەرهەمێکی فەرهەنگیش ئاشنا بن و له کافه کتێبه ستانداردەکان وا باوه که کتێبەکان لەگەڵ خوێندنەوه، بۆ فرۆشیش ئامادەن و کەسێک که لەو چەند خولەکەدا و به خوێندنەوەیەکی کورت حەزی له کتێب یا بەرهەمێک دەبێ یا له گفتوگۆیەکدا کتێبێکی پێ پێشنیار دەکرێ، هەر لەوێ دەتوانێ کتێبەکه بکڕێ و بەو جۆره هەم له بواری ئابوورییەوه یارمەتییەکه بۆ کافەکتێب و هەم ئەو کەسەش وێڕای ڕابواردنی کاتی وچاندان، توانیویەتی کارێکی سوودمەندیش ئەنجام بدا. یەکێکی تر له تەوەرەکان، ئەوەیه که ئەو شوێنانه دەبێ وەک له ناوەکەیانەوه دیاره، جێیەک بن بۆ کۆبوونەوەی کۆمەڵگای فەرهەنگی، نەک تەنیا سیمای ئابووری و گشتی به خۆیان بگرن و تەنیا به ڕواڵەت و به ناو لەوانی تر جیا بنەوه. ئەوه لەسەر شانی بەرپرسانی ئەو شوێنانەیه که کەسانی تامەزرۆی فەرهەنگ و ئەدەب کۆ بکەنەوه و کارهاسانییان بۆ بکەن و پێداویستی‌گەلێکیان له بەردەست بنێن که بتوانن لەو شوێنانه کات ڕابوێرن و هاوکات خەریک به نووسین و نەخشاندن و بیرکردنەوه بن. له زۆر شوێن وەک هەرێمی کوردستانیش شوێن‌گەلێک هەن که ئەدیب و نووسەر و شاعیر و بیرمەندەکان کۆ دەبنەوه و له کەشێکی فەرهەنگیدا کاتیان ڕادەبوێرن که دەکرێ لێرەش کافه کتێبەکان ئەو ڕۆله بگێڕن. یەکێکی تر لەو ئەرکانەی له ئەستۆی ئەو شوێنانەیه و بەرچاو ناگیرێ و لانی کەم له شارەکانی کوردستان هێشتا نەدیتراوه که بەجێی بهێنن ...

وعده گاه مسئولین

روز شمار عنوان وعده
css.php