رفتن به بالا

تعداد اخبار امروز : 0 خبر


    Mahabad Fair
    22(°C)
    Wind Calm
    Pressure 25.52(in)
    Visibility 6.0(mi)
    UV Index 0-Low
    Humidity 25.52(in)

بە ڕاپۆرتی بینەر، كۆمپانی «مژ فیلم» پرۆژەیەكی نوێی بۆ مناڵانی كورد بە ناوی «منداڵانی ھەتاو» ڕێكخستووە كە لە چوارەچێوەی ئەم پرۆژەیە دا زیاتر لە ٢٤٠ جۆر ھۆنراوە و چیرۆک و گۆرانی كوردی بۆ مناڵان بەرھەم ھاتووە كە بێ بەرامبەر بە سەر مناڵاندا دابەش دەكرێت. بەھەمەن قوبادی دەرھێنەری سینەما ئاماژەی پێكردووە بە ھۆی كەمبوونی بابەتی شێعر […]

بە ڕاپۆرتی بینەر، كۆمپانی «مژ فیلم» پرۆژەیەكی نوێی بۆ مناڵانی كورد بە ناوی «منداڵانی ھەتاو» ڕێكخستووە كە لە چوارەچێوەی ئەم پرۆژەیە دا زیاتر لە ٢٤٠ جۆر ھۆنراوە و چیرۆک و گۆرانی كوردی بۆ مناڵان بەرھەم ھاتووە كە بێ بەرامبەر بە سەر مناڵاندا دابەش دەكرێت.
بەھەمەن قوبادی دەرھێنەری سینەما ئاماژەی پێكردووە بە ھۆی كەمبوونی بابەتی شێعر و چیرۆكی تایبەت بە مناڵان بە زمانی كوردی بڕیاری داوە گرووپێک بۆ كۆكردنەوە و بەرھەمھێنانی ھۆنراوە و چیرۆكی مناڵان پێكبھێنێت كە ئێستا بەشێک لە بەرھەمەكانی ئەم گروپە ئامادەی بڵاو كردنەوەیە. ئەم گرووپە لە چەندین كەسی بەتوانای شاعیر، نووسەر، دەروونناس، وەرگێر و شارەزای مۆسیقای كوردی لەخۆگرتووە كە ھەموویان لە لایەن بەھمەنی قوبادییەوە ھەلبژێردروان و بۆ ئەم ئەركە دەستنیشان كراون و دواتر دەستیان بە بەرھەمھێنان كردووە كە تا ئێستا ئەم بەرھەمانەی ئەم گرۆپە ئامادەیان كردووە بریتین لە ١٢٠ ھۆنراوە و ١٢٠ چیرۆكی تایبەت بە مناڵان كە بابەتی پەروەردەیی و كۆمەڵایەتی تێیدا ڕێكخستراوە و بە شێوەی گۆڕانی و بابەتی شاد ئامادە كراوە كە پێشبینی دەكرێت زۆر بۆ مناڵان بە سوود بێت.
شایانی باسە ئەم پرۆژەیە بە بەرھەمھێنانی ئەم ٢٤٠ بەرھەمە كۆتایی پێنایەت و كۆمەڵێک بابەتی تر توێژینەوە و لێكۆڵینەوەی لەسەر دەكرێت و ژمارەیەكیتر بەرھەمی نووسراو، بینراو و بیستراوی تایبەت بە مناڵان لە چەندین پاكەیج دا لە پلانی درێژخایەنی كۆمپانی «مژ فیلم» دایە.
یەكێكیتر لە ئامانجەكانی بەھمەنی قوبادی و ستافی كۆمپانیای مژ فیلم بۆ دەستپێكردنی ئەم پرۆژەیە پێكھێنانی بارودوخێكی شاد لە ڕووحی مناڵانی كورد و گەرانەوەیان بۆ دونیای مناڵی خۆیانە، بەتایبەت بۆ ئەم مناڵانەی لە ھەرێمی كوردستان و لە ناوچە كوردستانییەكانی دەروەی ھەرێمی كوردستان بارودۆخی شەڕ و قەیرانی ئابووری كاریگەری كردۆتە سەریان و بە گشتی میدیاكان زۆرتری گرنگی بە روماڵكردنی شەر و باسكردنی قەیران دەدەن و مناڵانیان لەبیركردووە. ھەروەھا جێگەی ئاماژەیە ئەم پرۆژەیە بە بێ پشتگیری ھیچ لایەنێكی كەرتی تایبەت و حكومی تا ئێستا لەلایەن «بەھمەن قوبادی» بەڕێوەچووە.
ئەو كۆمەڵە بەرھەمەی كە ئاماژەی پێكرا جگە لە بڵاو بوونەوەی ئاسایی، لە ماڵپەری تایبەت بە «منداڵانی ھەتاو» به ناونيشانی www.mindalan.com ھەر ھەفتە ٣ گۆرانی و ٣ چیرۆك بڵاو دەبێتەوە.

به‌رێوبه‌رانی پڕۆژه‌ی منداڵانی هه‌تاو بریتین لە:
به‌رهه‌مهێنان: به‌همه‌ن قوبادی – مژ فیلم
به‌ڕێوبه‌ری پڕۆژه: گۆلرێز ئیحتیاتی
مودیری پڕۆژه: میلاد فه‌یزوڵلا به‌یگی
پەیوەندییە گشتییەکان: روناک فه‌ره‌جی
نووسه‌ره‌کان: یونس ره‌زایی، په‌ره‌نگ ئیبراهیم زاده، ژیار که‌ریمی، یوش توناکائی، ئێریک کاڕڵ، فارۆق ئه‌حمه‌دیان، تۆنی گڕاس، فه‌رهاد حه‌سه‌ن زاده، گۆڤاری کانی مه‌هاباد، هه‌ژار خاته‌می، ویو گۆیی، ئالا ره‌زا زاده، لیۆ تۆڵستۆی، جانک شو، نه‌سرین جه‌عفه‌ری، یه‌سنا تاباک، شادی ئاره‌میده، حه‌سه‌ن قزلچی، بڕایان واڵد ئیسمیت، شه‌هاب فازڵی، ڕێبوار، شیلان گیلانی، له‌یلا ساڵه‌حی، شیرین ئه‌مینی، ئارام چراغ مه‌نان، ئه‌فسانه شه‌عبان نه‌ژاد، شاڕڵۆف زۆڵدتۆف، ترۆسکه مامه‌ره‌ش، تینا شه‌فێعی، سه‌لاح نیساری، چالاک عه‌بدۆڵلاهی
شاعیره‌کان: جه‌عفه‌ر ره‌شاده‌ت، مۆحه‌ممه‌د پاکژ، سۆڕان مۆحممه‌د ئابلاغی، سه‌لاح نیساری، دیار حه‌له‌بچه‌ای، هۆزان جه‌مال، فایه‌ق باتش، مۆحممه‌د ڕه‌سوول نیا، ئه‌مین گڕدیگلانی، یونس ره‌زایی، عه‌لی مۆحه‌ممه‌د ره‌شید به‌رزه‌نجی، نجیبه ره‌حمانی، مامۆستا گۆران
وه‌رگێران: په‌ره‌نگ ئیبراهیم زاده، کازیوه ئیبراهیم زاده، له‌یلا ساڵه‌حی، نگین ساله‌حی، مۆحه‌ممه‌د شاسه‌نه‌م، میدیا عه‌بدۆڵلاهی، سلێمان دڵسۆز، موسته‌فا سه‌لیم نه‌ژاد، مه‌رزیه درودگه‌ر، رێوار، شادی حوسه‌ین زاده، لۆقمان نادرپور، کوبڕا شه‌عبانی، سه‌لاح پایانیانی، یونس ره‌زایی، سه‌حه‌ر میهره‌بانی
موسیقا: هاشم ره‌شاده‌ت
گۆرانیبێژان: ژیلا ره‌شاده‌ت، ژاله ره‌شاده‌ت
وێژه‌ر: ژیلا ره‌شاده‌ت
سایت: پژواک که‌وکه‌بیان، فه‌رزاد سه‌یفی کاران

اخبار مرتبط

نظرات

یادداشت ویژه

تێبینییەک لەسەر کافه کتێبەکان؛

ئەوەی هەیه و ئەوەی پێویسته ببێ

  دەمێکه دیاردەی دامەزراندنی هێندێک شوێن به ناو "کافه کتێب" له شارەکانی کوردستان پەرەی گرتووه و له زۆریێک له شارەکان شوێن‌گەلێک بەو ناوه دەکرێنەوه. دیاره هەر هەوڵێک که بەسترانەوەیەکی لەگەڵ هونەر و ئەدەب و فەرهەنگەوه هەبێ، کارێکی پیرۆزه و به تایبەت له وڵاتێکدا که دەزگا فەرمییەکان هەوڵێکی ئەوتۆ نادەن بۆ کردنەوەی شوێنی فەرهەنگی یا ئەوەی دەشکرێ دووره له بێلایەنی، هەوڵی خودی کۆمەڵگای فەرهەنگی بۆ پڕکردنەوەی بۆشاییەکان، گرینگییەکی تایبەت و کاریگەری هەیه. بەڵام دیاره هەر پێگه و شوێن و بنکەیەکی فەرهەنگی، دەبێ هێندێک بنەما و ستانداردی هەبێ تا ئەو ئامانجانەی هەیەتی یا بۆی داڕێژراوه دەستەبەر بکا. شوێنێک وەک کافه کتێبیش، ڕاسته که ئامانجی ئابووریی هەیه، بەڵام چون هەڵگری ناوی کتێبه که هێمایەکی فەرهەنگییه، دیاره لەو ئاستەدا هێندێک ئەرکی لەسەر شانه و کۆمەڵێک پێداویستی و بنەمای دەوێ بۆ بەجێهێنانی ئەو ئەرکانه. کاتی چوونەژوور لەو شوێنانه، بەرچاوترین جیاوازی لەگەڵ کافه و شوێنی دانیشتنه ئاساییەکان، بوونی هێندێک کتێبی جۆراوجۆر له سووچێکی ئەو شوێنانەیه. بەڵام ئەوەی سەرنج ڕا دەکێشێ، ئەو بابەتەیه که گۆیا ئەو کاره تەنیا بۆ لابردنی بەرپرسیارەتییه له ئەستۆ و پاساو هێنانەوەیەکه بۆ ئەوەی شوێنەکه لەگەڵ ناوەکەی بگونجێ. ئەوەش له چەند بوارەوه دەکرێ بەرەوڕووی ڕەخنه ببێتەوه که هێندێکی پەیوەسته به هەڵسوکەوتی خاوەنی شوێن و هێندیکیش جۆری کەڵک وەرگرتنی ئەو کەسانەی ڕوو دەکەنه ئەو شوێنانه. سەرەتا ئەوەی که بەپێی چەند شوێنێک که وردبینییان لەسەر کراوه، هەڵبژاردنی کتێب بەبێ هیچ سەرنجێک ئەنجام دەدرێ و تەنیا وەک لابردنی بەرپرسیارێتییه و پێ دەچێ هەرچی به دەستیان گەیشتبێ له هەر بوارێکدا کۆیان کردبێتەوه و بێ هیچ جیاکردنەوه و خشتەبەندییەک دایان نابێ. مەسەلەی تر، ئەوەیه که بەپێی ئەو ماوه کورتەی لەو شوێنانه ڕادەبردرێ، دیاره خوێندنەوەی تێر و تەسەلی کتێبێک دەست نادا و ئەو شوێنانه دەبێ ڕێگەخۆشکەرێک بن بۆ خەڵک که وێڕای ڕابواردن و تاوێک حەسانەوه، لەگەڵ کتێب یا بەرهەمێکی فەرهەنگیش ئاشنا بن و له کافه کتێبه ستانداردەکان وا باوه که کتێبەکان لەگەڵ خوێندنەوه، بۆ فرۆشیش ئامادەن و کەسێک که لەو چەند خولەکەدا و به خوێندنەوەیەکی کورت حەزی له کتێب یا بەرهەمێک دەبێ یا له گفتوگۆیەکدا کتێبێکی پێ پێشنیار دەکرێ، هەر لەوێ دەتوانێ کتێبەکه بکڕێ و بەو جۆره هەم له بواری ئابوورییەوه یارمەتییەکه بۆ کافەکتێب و هەم ئەو کەسەش وێڕای ڕابواردنی کاتی وچاندان، توانیویەتی کارێکی سوودمەندیش ئەنجام بدا. یەکێکی تر له تەوەرەکان، ئەوەیه که ئەو شوێنانه دەبێ وەک له ناوەکەیانەوه دیاره، جێیەک بن بۆ کۆبوونەوەی کۆمەڵگای فەرهەنگی، نەک تەنیا سیمای ئابووری و گشتی به خۆیان بگرن و تەنیا به ڕواڵەت و به ناو لەوانی تر جیا بنەوه. ئەوه لەسەر شانی بەرپرسانی ئەو شوێنانەیه که کەسانی تامەزرۆی فەرهەنگ و ئەدەب کۆ بکەنەوه و کارهاسانییان بۆ بکەن و پێداویستی‌گەلێکیان له بەردەست بنێن که بتوانن لەو شوێنانه کات ڕابوێرن و هاوکات خەریک به نووسین و نەخشاندن و بیرکردنەوه بن. له زۆر شوێن وەک هەرێمی کوردستانیش شوێن‌گەلێک هەن که ئەدیب و نووسەر و شاعیر و بیرمەندەکان کۆ دەبنەوه و له کەشێکی فەرهەنگیدا کاتیان ڕادەبوێرن که دەکرێ لێرەش کافه کتێبەکان ئەو ڕۆله بگێڕن. یەکێکی تر لەو ئەرکانەی له ئەستۆی ئەو شوێنانەیه و بەرچاو ناگیرێ و لانی کەم له شارەکانی کوردستان هێشتا نەدیتراوه که بەجێی بهێنن ...

وعده گاه مسئولین

روز شمار عنوان وعده
css.php