رفتن به بالا

تعداد اخبار امروز : 0 خبر


    -١٨(°C)
    Wind (mph)
    Pressure (in)
    Visibility (mi)
    UV Index -
    Humidity (in)
گاه‌شمار تاریخ خورشیدی
فروردین ۱۳۹۵
ش ی د س چ پ ج
« اسفند   اردیبهشت »
 1234
567891011
12131415161718
19202122232425
2627282930  

به‌ ڕاپۆرتی بینەر، ئێوارەی رۆژی چوارشەممە ۱۲-۴-۲۰۱۷، گرتەی ڤیدیۆیی دوو کەس، کە هێرشدەکەنەسەر فەرهاد پیرباڵ بڵاوبوویەوە، بەمەش دەنگدانەوە زۆری بەدوای خۆیدا هێنا. هەر بەو بۆنە گوتەبێژی سەرۆکایەتی هەرێمی کوردستان لەبارەی هێرشکردنەسەر فەرهاد پیرباڵ رایگەیاند "سه‌رۆكی هه‌رێمی كوردستان ئاگاداری ئەم بابەتەیە و دڵگرانه‌ به‌و رووداوه‌ و ده‌زگا په‌یوه‌ندیداره‌كانی راسپاردووه‌ ئه‌نجامده‌رانی هێرشه‌كه‌ ده‌ستگیر بكه‌ن". دەقی راگەیێندراوەکەی گوتەبێژی سەرۆکایەتی […]

به‌ ڕاپۆرتی بینەر، ئێوارەی رۆژی چوارشەممە ۱۲-۴-۲۰۱۷، گرتەی ڤیدیۆیی دوو کەس، کە هێرشدەکەنەسەر فەرهاد پیرباڵ بڵاوبوویەوە، بەمەش دەنگدانەوە زۆری بەدوای خۆیدا هێنا.

هەر بەو بۆنە گوتەبێژی سەرۆکایەتی هەرێمی کوردستان لەبارەی هێرشکردنەسەر فەرهاد پیرباڵ رایگەیاند "سه‌رۆكی هه‌رێمی كوردستان ئاگاداری ئەم بابەتەیە و دڵگرانه‌ به‌و رووداوه‌ و ده‌زگا په‌یوه‌ندیداره‌كانی راسپاردووه‌ ئه‌نجامده‌رانی هێرشه‌كه‌ ده‌ستگیر بكه‌ن".

دەقی راگەیێندراوەکەی گوتەبێژی سەرۆکایەتی هەرێمی کوردستان  بەل چەشنەیە:

سه‌باره‌ت به‌ رووداوی هێرشكردنه‌ سه‌ر د. فه‌رهاد پیرباڵ له‌ رۆژی چوارشه‌ممه‌ 12/4/2017 له‌ هه‌ولێر, بە گشت لایەک رادەگەیەنین کە به‌رێز سه‌رۆكی هه‌رێمی كوردستان ئاگاداری ئەم بابەتەیە و دڵگرانه‌ به‌و رووداوه‌ و ده‌زگا په‌یوه‌ندداره‌كانی راسپاردووه‌ ئه‌نجامده‌رانی هێرشه‌كه‌ ده‌سگیر بكه‌ن ، بۆ ئەوەی بدرێنه‌ دادگە، تا به‌ پێی یاسا ئیجرائاتیان له‌گه‌ڵدا بكرێ.

هەر وەها (د.تارق نووری) بە ماڵپەری فەرمی پارتی دیموکراتی کوردستانی راگەیاند، ھەر شەوی رابردوو و لە ماوەیەکی کەمدا ئەو دوو کەسە  دەستگیر كران و رادەستی پۆلیسی كران،  کەیسەکە لای پۆلیسە و لێكۆڵینه‌وه‌ له‌باره‌ی ئه‌م ڕووداوه‌وه‌ ده‌كه‌ن.

وه‌ك بەرێوبەری ئاسایشی ھەولێر ڕوونی کردەوە، ''رووداوە مەبەستێکی سیاسی لەپشتەوە نه‌بووه‌، هه‌ڵبه‌ت ئەو کەسانەی له‌ (پیرباڵ)یان داوه‌ کەسانی ئاسایین و سەر بە دەزگا ئەمنییەکان نین.''

ئەم ڕووداوە بەدوای دزرانی لەپ تاپی فەرهاد پیرباڵ هاتە پێش .

د. فه‌رهاد پیرباڵ نووسەر ، شاعیر و مامۆستای زانکۆ لە هەولێرە کە لە سۆربۆن دۆکتۆرای وەرگتۆ و خاوەنی بەرهەمی جۆراوجۆری هونەری و ئەدەبیە.

 

اخبار مرتبط

نظرات

یادداشت ویژه

تێبینییەک لەسەر کافه کتێبەکان؛

ئەوەی هەیه و ئەوەی پێویسته ببێ

دەمێکه دیاردەی دامەزراندنی هێندێک شوێن به ناو "کافه کتێب" له شارەکانی کوردستان پەرەی گرتووه و له زۆریێک له شارەکان شوێن‌گەلێک بەو ناوه دەکرێنەوه. دیاره هەر هەوڵێک که بەسترانەوەیەکی لەگەڵ هونەر و ئەدەب و فەرهەنگەوه هەبێ، کارێکی پیرۆزه و به تایبەت له وڵاتێکدا که دەزگا فەرمییەکان هەوڵێکی ئەوتۆ نادەن بۆ کردنەوەی شوێنی فەرهەنگی یا ئەوەی دەشکرێ دووره له بێلایەنی، هەوڵی خودی کۆمەڵگای فەرهەنگی بۆ پڕکردنەوەی بۆشاییەکان، گرینگییەکی تایبەت و کاریگەری هەیه. بەڵام دیاره هەر پێگه و شوێن و بنکەیەکی فەرهەنگی، دەبێ هێندێک بنەما و ستانداردی هەبێ تا ئەو ئامانجانەی هەیەتی یا بۆی داڕێژراوه دەستەبەر بکا. شوێنێک وەک کافه کتێبیش، ڕاسته که ئامانجی ئابووریی هەیه، بەڵام چون هەڵگری ناوی کتێبه که هێمایەکی فەرهەنگییه، دیاره لەو ئاستەدا هێندێک ئەرکی لەسەر شانه و کۆمەڵێک پێداویستی و بنەمای دەوێ بۆ بەجێهێنانی ئەو ئەرکانه. کاتی چوونەژوور لەو شوێنانه، بەرچاوترین جیاوازی لەگەڵ کافه و شوێنی دانیشتنه ئاساییەکان، بوونی هێندێک کتێبی جۆراوجۆر له سووچێکی ئەو شوێنانەیه. بەڵام ئەوەی سەرنج ڕا دەکێشێ، ئەو بابەتەیه که گۆیا ئەو کاره تەنیا بۆ لابردنی بەرپرسیارەتییه له ئەستۆ و پاساو هێنانەوەیەکه بۆ ئەوەی شوێنەکه لەگەڵ ناوەکەی بگونجێ. ئەوەش له چەند بوارەوه دەکرێ بەرەوڕووی ڕەخنه ببێتەوه که هێندێکی پەیوەسته به هەڵسوکەوتی خاوەنی شوێن و هێندیکیش جۆری کەڵک وەرگرتنی ئەو کەسانەی ڕوو دەکەنه ئەو شوێنانه. سەرەتا ئەوەی که بەپێی چەند شوێنێک که وردبینییان لەسەر کراوه، هەڵبژاردنی کتێب بەبێ هیچ سەرنجێک ئەنجام دەدرێ و تەنیا وەک لابردنی بەرپرسیارێتییه و پێ دەچێ هەرچی به دەستیان گەیشتبێ له هەر بوارێکدا کۆیان کردبێتەوه و بێ هیچ جیاکردنەوه و خشتەبەندییەک دایان نابێ. مەسەلەی تر، ئەوەیه که بەپێی ئەو ماوه کورتەی لەو شوێنانه ڕادەبردرێ، دیاره خوێندنەوەی تێر و تەسەلی کتێبێک دەست نادا و ئەو شوێنانه دەبێ ڕێگەخۆشکەرێک بن بۆ خەڵک که وێڕای ڕابواردن و تاوێک حەسانەوه، لەگەڵ کتێب یا بەرهەمێکی فەرهەنگیش ئاشنا بن و له کافه کتێبه ستانداردەکان وا باوه که کتێبەکان لەگەڵ خوێندنەوه، بۆ فرۆشیش ئامادەن و کەسێک که لەو چەند خولەکەدا و به خوێندنەوەیەکی کورت حەزی له کتێب یا بەرهەمێک دەبێ یا له گفتوگۆیەکدا کتێبێکی پێ پێشنیار دەکرێ، هەر لەوێ دەتوانێ کتێبەکه بکڕێ و بەو جۆره هەم له بواری ئابوورییەوه یارمەتییەکه بۆ کافەکتێب و هەم ئەو کەسەش وێڕای ڕابواردنی کاتی وچاندان، توانیویەتی کارێکی سوودمەندیش ئەنجام بدا. یەکێکی تر له تەوەرەکان، ئەوەیه که ئەو شوێنانه دەبێ وەک له ناوەکەیانەوه دیاره، جێیەک بن بۆ کۆبوونەوەی کۆمەڵگای فەرهەنگی، نەک تەنیا سیمای ئابووری و گشتی به خۆیان بگرن و تەنیا به ڕواڵەت و به ناو لەوانی تر جیا بنەوه. ئەوه لەسەر شانی بەرپرسانی ئەو شوێنانەیه که کەسانی تامەزرۆی فەرهەنگ و ئەدەب کۆ بکەنەوه و کارهاسانییان بۆ بکەن و پێداویستی‌گەلێکیان له بەردەست بنێن که بتوانن لەو شوێنانه کات ڕابوێرن و هاوکات خەریک به نووسین و نەخشاندن و بیرکردنەوه بن. له زۆر شوێن وەک هەرێمی کوردستانیش شوێن‌گەلێک هەن که ئەدیب و نووسەر و شاعیر و بیرمەندەکان کۆ دەبنەوه و له کەشێکی فەرهەنگیدا کاتیان ڕادەبوێرن که دەکرێ لێرەش کافه کتێبەکان ئەو ڕۆله بگێڕن. یەکێکی تر لەو ئەرکانەی له ئەستۆی ئەو شوێنانەیه و بەرچاو ناگیرێ و لانی کەم له شارەکانی کوردستان هێشتا نەدیتراوه که بەجێی بهێنن ...

وعده گاه مسئولین

روز شمار عنوان وعده
css.php