رفتن به بالا

تعداد اخبار امروز : 0 خبر


    -١٨(°C)
    Wind (mph)
    Pressure (in)
    Visibility (mi)
    UV Index -
    Humidity (in)
گاه‌شمار تاریخ خورشیدی
بهمن ۱۳۹۶
ش ی د س چ پ ج
« دی   اسفند »
 123456
78910111213
14151617181920
21222324252627
282930  

بە پێی ڕاپۆڕتی بینەر، کافە کلاسیک مەریوان لە چوارەمین دانیشتنیدا  سەر لە ئێوارەی چوارشەممە ۱۸ی ڕێبەندان، کۆڕێکی شیعری بۆ شاعیر و نووسەر " حەمەی کەریمی" بە بەشداری نووسەران و شاعیرانی مەریوان و هۆگرانی شیعر و ئەدەب ساز کرد. لەم ئێوارە کۆڕەدا سەرەتا "دارا ئازادمنش"  چیرۆکنووس و ڕەخنەگر ،  وەک کۆڕگێڕ دەربارەی  چەند پارەگی و شکستی […]

بە پێی ڕاپۆڕتی بینەر، کافە کلاسیک مەریوان لە چوارەمین دانیشتنیدا  سەر لە ئێوارەی چوارشەممە ۱۸ی ڕێبەندان، کۆڕێکی شیعری بۆ شاعیر و نووسەر " حەمەی کەریمی" بە بەشداری نووسەران و شاعیرانی مەریوان و هۆگرانی شیعر و ئەدەب ساز کرد. لەم ئێوارە کۆڕەدا سەرەتا "دارا ئازادمنش"  چیرۆکنووس و ڕەخنەگر ،  وەک کۆڕگێڕ دەربارەی  چەند پارەگی و شکستی ڕەوایەتی شیعری،  تصاویری ئایزنشتاینی لە ڕوانگەی  ژولیاکریستوا، خوێندنەوەیەک لە هەر دوو کاراکتەرەی فیلمی " سەگی ئەندەلووسی " بۆنۆئیل، (کارلۆتا و لاوینیا) کە هاتوونەتە نێو دەقەکە،  نێوان دەقێتی، پارۆدی و  هاوکات دەربارەی دوو چەمکی   – فۆبیا و پارانۆیا- و جیاوازیی نێوان ئەو دوو چەمکە لە ڕوانگەی دەروونناسیەوە بە ئاوڕدانەوە لە کاراکتەرەکانی ناو دەقەکە کە هەر یەکەو  بە شێوەی تایبەتی خۆی تووشی پارانۆیا بوون، هەندێ باس و لێدوانیدا.
دواتر شاعیر پاش سپاس و دەسخۆشی لە بەشدار بووانی کۆڕەکە و  ستافی بەڕێوەبەری کافە کلاسیک، بە تایبەت هەریەک لە شاعیران( کاک بێهزاد کوردستانی و کاک دانا مەنووچەهری)  لە ۲۰ خولەکدا شیعرەکەی پێشکەش کرد. پاش خوێندنەوەی شیعرەکە،  نووسەری گەنج " هێمن ڕەحیمی"  یاداشتێکی سەبارەت بە ئەزموونی تازەی شاعیر و هەندێ تەکنیک و شگردی زبانی لە چەشنی (ئایرۆنی ، پارۆدی ، تصویری ئایزنشتاینی، ئیرۆتیزمی زبانی و تەکسوور و شکەستی رەوایەت) لێکدانەوەی پارانۆیا و  حاڵەتی ڕەوان پەرێشی ئەکتەرەکانی ناو ئەم دەقە شیعرییە باس کرد.. پاشان "  سامان مەحموودی" نووسەر و توێژەر، بە خوێندنەوەیەکی جیاوازتر هەندێ پرسیار و ڕەخنەی ئاراستەی شێعرەکان کرد و هەر ئەم باسەش باسێکی گشتیتر و بەرفراوانی لە لایەن شاعیران و نووسەرانی بەشداربووی کۆڕەکە، بەڕێزان، (ڕەئوف مەحموود پوور، ڕەخنەگر و شاعیری  نوێخواز و سەیوان نیک پەی شاعیر و ڕۆژنامەوان) لێکەوتەوە، و هەرکام لەو دوو شاعیرە ڕەخنە و خوێندنەوەی خۆیان لە کۆی باسەکان و ڕوانگەکان ئاراستە کرد، "کاک ڕەئوف  مەحموود پوور بە ئاوڕدانەوە لە جیاوزایی ڕوانگەکان  بە نیسبەت شیعری کلاسیک و هاوچەرخ ،  سەیوان نیک پەی بە ڕەخنە و لێکدانەوە لە وەزعیەتی شیعری هاوچەرخ و ئەدەبیاتی متعهد و مودێڕن و پاش مودێڕن، باسێکی گشتییان پێشکەش کرد،. کۆڕەکە کاژێر ۶ ی ئێوارە کۆتایی پێهات.

اخبار مرتبط

نظرات

ارسال دیدگاه

یادداشت ویژه

تێبینییەک لەسەر کافه کتێبەکان؛

ئەوەی هەیه و ئەوەی پێویسته ببێ

دەمێکه دیاردەی دامەزراندنی هێندێک شوێن به ناو "کافه کتێب" له شارەکانی کوردستان پەرەی گرتووه و له زۆریێک له شارەکان شوێن‌گەلێک بەو ناوه دەکرێنەوه. دیاره هەر هەوڵێک که بەسترانەوەیەکی لەگەڵ هونەر و ئەدەب و فەرهەنگەوه هەبێ، کارێکی پیرۆزه و به تایبەت له وڵاتێکدا که دەزگا فەرمییەکان هەوڵێکی ئەوتۆ نادەن بۆ کردنەوەی شوێنی فەرهەنگی یا ئەوەی دەشکرێ دووره له بێلایەنی، هەوڵی خودی کۆمەڵگای فەرهەنگی بۆ پڕکردنەوەی بۆشاییەکان، گرینگییەکی تایبەت و کاریگەری هەیه. بەڵام دیاره هەر پێگه و شوێن و بنکەیەکی فەرهەنگی، دەبێ هێندێک بنەما و ستانداردی هەبێ تا ئەو ئامانجانەی هەیەتی یا بۆی داڕێژراوه دەستەبەر بکا. شوێنێک وەک کافه کتێبیش، ڕاسته که ئامانجی ئابووریی هەیه، بەڵام چون هەڵگری ناوی کتێبه که هێمایەکی فەرهەنگییه، دیاره لەو ئاستەدا هێندێک ئەرکی لەسەر شانه و کۆمەڵێک پێداویستی و بنەمای دەوێ بۆ بەجێهێنانی ئەو ئەرکانه. کاتی چوونەژوور لەو شوێنانه، بەرچاوترین جیاوازی لەگەڵ کافه و شوێنی دانیشتنه ئاساییەکان، بوونی هێندێک کتێبی جۆراوجۆر له سووچێکی ئەو شوێنانەیه. بەڵام ئەوەی سەرنج ڕا دەکێشێ، ئەو بابەتەیه که گۆیا ئەو کاره تەنیا بۆ لابردنی بەرپرسیارەتییه له ئەستۆ و پاساو هێنانەوەیەکه بۆ ئەوەی شوێنەکه لەگەڵ ناوەکەی بگونجێ. ئەوەش له چەند بوارەوه دەکرێ بەرەوڕووی ڕەخنه ببێتەوه که هێندێکی پەیوەسته به هەڵسوکەوتی خاوەنی شوێن و هێندیکیش جۆری کەڵک وەرگرتنی ئەو کەسانەی ڕوو دەکەنه ئەو شوێنانه. سەرەتا ئەوەی که بەپێی چەند شوێنێک که وردبینییان لەسەر کراوه، هەڵبژاردنی کتێب بەبێ هیچ سەرنجێک ئەنجام دەدرێ و تەنیا وەک لابردنی بەرپرسیارێتییه و پێ دەچێ هەرچی به دەستیان گەیشتبێ له هەر بوارێکدا کۆیان کردبێتەوه و بێ هیچ جیاکردنەوه و خشتەبەندییەک دایان نابێ. مەسەلەی تر، ئەوەیه که بەپێی ئەو ماوه کورتەی لەو شوێنانه ڕادەبردرێ، دیاره خوێندنەوەی تێر و تەسەلی کتێبێک دەست نادا و ئەو شوێنانه دەبێ ڕێگەخۆشکەرێک بن بۆ خەڵک که وێڕای ڕابواردن و تاوێک حەسانەوه، لەگەڵ کتێب یا بەرهەمێکی فەرهەنگیش ئاشنا بن و له کافه کتێبه ستانداردەکان وا باوه که کتێبەکان لەگەڵ خوێندنەوه، بۆ فرۆشیش ئامادەن و کەسێک که لەو چەند خولەکەدا و به خوێندنەوەیەکی کورت حەزی له کتێب یا بەرهەمێک دەبێ یا له گفتوگۆیەکدا کتێبێکی پێ پێشنیار دەکرێ، هەر لەوێ دەتوانێ کتێبەکه بکڕێ و بەو جۆره هەم له بواری ئابوورییەوه یارمەتییەکه بۆ کافەکتێب و هەم ئەو کەسەش وێڕای ڕابواردنی کاتی وچاندان، توانیویەتی کارێکی سوودمەندیش ئەنجام بدا. یەکێکی تر له تەوەرەکان، ئەوەیه که ئەو شوێنانه دەبێ وەک له ناوەکەیانەوه دیاره، جێیەک بن بۆ کۆبوونەوەی کۆمەڵگای فەرهەنگی، نەک تەنیا سیمای ئابووری و گشتی به خۆیان بگرن و تەنیا به ڕواڵەت و به ناو لەوانی تر جیا بنەوه. ئەوه لەسەر شانی بەرپرسانی ئەو شوێنانەیه که کەسانی تامەزرۆی فەرهەنگ و ئەدەب کۆ بکەنەوه و کارهاسانییان بۆ بکەن و پێداویستی‌گەلێکیان له بەردەست بنێن که بتوانن لەو شوێنانه کات ڕابوێرن و هاوکات خەریک به نووسین و نەخشاندن و بیرکردنەوه بن. له زۆر شوێن وەک هەرێمی کوردستانیش شوێن‌گەلێک هەن که ئەدیب و نووسەر و شاعیر و بیرمەندەکان کۆ دەبنەوه و له کەشێکی فەرهەنگیدا کاتیان ڕادەبوێرن که دەکرێ لێرەش کافه کتێبەکان ئەو ڕۆله بگێڕن. یەکێکی تر لەو ئەرکانەی له ئەستۆی ئەو شوێنانەیه و بەرچاو ناگیرێ و لانی کەم له شارەکانی کوردستان هێشتا نەدیتراوه که بەجێی بهێنن ...

وعده گاه مسئولین

روز شمار عنوان وعده
css.php
%d bloggers like this: