بە پێی ڕاپۆڕتی بینەر، داوا له هەموو نووسەران و شانۆکاران کراوه که به پیر ئەم بانگەوازه گرینگەوه بێن. ئەمه دەقی بانگەشەکه:

ئەنجومەنی شانۆی بۆکان به بەشداری فەرمانداری و به هاوکاری ئیدارەی فەرهەنگ ،و ئیرشادی ئیسلامی بۆکان بەڕێوەی دەبات
یەکەم فستیواڵی شانۆنامەنووسی کوردی- بۆکان گوڵانی ١٣٩٧
به پێی بۆشاییەک که ئەمڕۆ له پانتای شانۆنامه له ناو ئەدەبیات و شانۆی کوردی دا هەست پێ دەکرێ، شانۆنامەیەک که بتوانێ ئاوێنەی باڵانوێنی فەرهەنگ و کۆمەڵگای کوردەواری بێت و حەول بۆ کەم کردنەوەی گرفته کۆمەڵایەتییەکان بدات، ئەنجومەنی شانۆی بۆکان به بەشداری فەرمانداری بۆکان و هاوکاری ئیدارەی فەرهەنگ و ئیرشادی ئیسلامی و دەزگا فەرهەنگییەکانی تر یەکەم فستیواڵی شانۆنامەنووسی کوردی له مانگی گوڵانی ١٣٩٧ وەڕێ دەخا و هەر بەم بۆنەوه داوای بەشداری له هەموو شانۆکاران و قەڵەم بەدەستانی کورد بۆ بەشداری لەم فستیواڵەدا دەکا.
مەبەستەکانی فستیواڵ:
-پشتگیری له شانۆنامەنووسی و بەهێز کردنی ئەدەبیاتی شانۆیی کوردی
-هاندانی نووسەران و هونەرمەندان بۆ ئافراندنی شانۆنامه که له فەرهەنگ و کۆمەڵگای کوردییەوه هەڵقوڵابێ.
-چاپ و بڵاوکردنەوەی دەقی شانۆیی کوردی و ناساندنی دەقەکان به شانۆکاران
ناسینی زیاتری نووسەران و چالاکانی بواری شانۆنامه
-پێ داگرتن له سەر راهێنان و فێرکاری له بواری ئەدەبیاتی شانۆیی
بابەت:
بابەتی شانۆنامەکانی فستیواڵ ئازاده بەڵام ئەو دەقانەی له سەر فەرهەنگ و کۆمەڵگای کوردی کار دەکەن زیاتر له بەر چاو دەگیرێن
مەرجەکانی بەشداری له فستیواڵ:
-دەقەکان دەبێ به زمانی کوردی نووسرابن و هەناردەی فستیواڵ بکرێن(هەموو زاراوەکانی زمانی کوردی دەتوانن بەشداری لەم فستیواڵەدا بکەن).
-دەقەکان ناگەڕێندرێنەوه بۆ خاوەنەکانیان
-مافی چاپی یەکەمی بەرهەمه هەڵبژێردراوەکان بۆ فستیواڵ پارێزراوه
-هیچ گرفتێک بۆ بەشداری دەقی چاپ کراو، بڵاو کراوه یان دەقێک که پێشتر ئیجرا کرابێ نییه.
– له هەر قۆناغێک دا بۆ نووسینگەی فستیواڵ دەرکەوێ که نووسەران هەرکام له مەرجەکانیان نەپاراستووه دەتوانێ دەقەکان وەلانێ.
شێوازی بەشداری :
-ناوی نووسەر، ساڵی له دایک بوون، شوێنی له دایک بوون و نیشتەجێ بوون،، پلەی خوێندن و ژمارەی تەلێفوون له لاپەڕەیەکی تایبەت دا
– ناردنی سێ نوسخه دەقی تایپ کراو  
-ناردنی دەقەکە له سەر DVD به فایلی WORD و PDFکه به یونیکۆد تایپ کرابێ.
-ناردنی وێنەیەکی نووسەر و کورتەیەک له دەقەکه له ئەوپەڕی ١٠ رستەدا به زمانی کوردی و فارسی له سەر DVD به شێوەی WORD
خەڵاتەکانی فستیواڵ:
سێ بەرهەمی هەڵبژێردراوی فستیواڵ بەم شێوەیه خەڵات دەکرێن: ( خەڵاتی یەکەم دیپڵۆمی شانازی، هەڵاڵەی زێڕین و ۱/۵ ملوێن تمەن- خەڵاتی دووهەم دیپڵۆمی شانازی، هەڵاڵەی زێوین و ۱/۲ ملوێن تمەن- خەڵاتی سێهەم دیپڵۆمی شانازی، هەڵاڵەی مسین و ۱ ملوێن تمەن)
-هەر سێ بەرهەمی هەڵبژێردراو له لایەن فستیواڵەوه چاپ و بڵاو دەکرێنەوه.
-دەقی یەکەم له لایەن فستیواڵەوه پشتیوانی ماڵی لێ دەکردرێ بۆ نواندن و ئیجرا
-نووسەرانی بەشدار بانگهێشت دەکرێن و بەشداری کارگەیەکی فێرکاری شانۆنامەنووسی له لایەن یەکێک له نووسەره ناسراوەکانی بواری شانۆنامه دەبن
– کۆڕی لێکدانەوەی شانۆی کوردی و شانۆنامەی کوردی به بەشداری نووسەران له فستیواڵ دا بەڕێوه دەچێ.
کاته گرینگەکانی فستیواڵ:
-دوا مۆڵەت بۆ وەرگرتنی دەقەکان ١٦ی خاکەلێوەی ۱۳۹۷
– کاتی بەڕێوەچوون: نیوەی دووهەمی مانگی گوڵانی ۱۳۹۷
ناونیشانی پۆستی بۆ ناردنی بەرهەمەکان:
بوکان- خیابان شهید فهمیده- اداره فرهنگ و ارشاد اسلامی- دبیرخانه نخستین جشنواره نمایشنامه نویسی کردی- صندوق پستی ۳۶۵
ئیمەیل: kurdi.shanonama@gmail.com
بۆ زانیاری زیاتر دەتوانن سەردانی سایتی فستیواڵ بەم ناونیشانه بکەن: www.boukanshano.ir